Un clash grandi e siman aki
–
–
–
ASV River Plate 2 – 2 SV Estrella
Un partido bastante pareu unda Estrella a recobra foi nan derota di 1-5 contra Bubali e siman previo, nan tawata mas organisa e biaha aki, hungando contra River Plate cu ta den un bon forma actualmente. River a bin di gana Nacional hungando bon. Den e wega aki River Plate tawatin mas di e bala y yegada peligroso, Estrella a sorprende cu algun chens unda nan tawata hopi efectivo, cu menos a hasi hopi. Wega tawata empata 1-1- na halftime, pero Estrella a bai ariba laat na minuut 87, gol di Trevor Faro (su di 6 gol di campeonato). River mester a lucha masha hopi y t’e na final di wega, minuut 95 pa ta exacto, Jose Gonzales ta empata den manera dramatico, net prome c’e pitaso final. Estrella no tabata much contento cu e minuut nan extra duna, claro e Naranhadanan a hera bai cu tur tres puntonan, pero mester pon’e cos den contexto 1 punta ta hopi husto. Ekiponan a parti punto, un bon resultado toch pa ambos, River Plate ta keda na 6 lugar y Estrella na di 7 lugar riba tabla.
⚽’9 Shakame Stamper RIV ⚽’46 Samuel Mayorga RIV ⚽’87 Trevor Faro EST ⚽’95 Jose Gonzales RIV
🟨’57 J D Croes EST 🟨’67 Lopez EST 🟨’72 Elisabeth🟨’72 E. Croes RIV 🟨’81 Tra. Faro EST 🟨’95 Ramirez
–
–
SV Sporting Aruba 2 – 0 Bubali SC
Leu atras a keda e Sporting cu a cuminsa nan prome partido di campeonato nervioso y sin coordinacion, awor varios siman despues Maurice Escalona su ekipo ta hayando resultado, nan a cuminsa ta gana wega den tur forma, hasta si nan no a hunga bon of no a domina. E ‘ekipo benjamin’ den Division Honor a sorprende tur hende cu nan dos golnan, foi pianan di hopi experiencia, hungadornan cu a sa di gana den pasado. Ronald Gomez (gol na ’41), cu a sali campeon cu RCA na varios ocassion, y tambe ex ganado di Balo D’Or, y Ricky Hodge (gol na minuut 90+10), cu a sali campeon cu Dakota y tambe un biaha a keda como runner-up den Balon D’Or. Kiermeen nan por busca y haya un manera pa gana den cualkier momento. Marc Antersijn tambe tabata fenomenal e anochi aki den gol di Sporting. Bubali a busca pero nan no por a haya, e golnan no a yega e anochi aki. Referee Cheqions Arends tambe a keda lesiona casi na final di a partido, e mester a bandona e partido, beterschap pa mr. Arends. Sporting awor a subi na posicion 5 y Bubali ta keda como number 9 riba tabla.
⚽’41 Ronald Gomez SPO ⚽’90+10 Ricky Hodge SPO
🟨’33 Pulido SPO 🟨’39 Calvetti SPO 🟨’59 Tromp BUB 🟨’63 Bernabela BUB 🟨’85 Tromp BUB 🟨’94 Merite SPO 🟨’98 Hurtado BUB
🟥’85 Tromp BUB
–
–
SV Racing Club Aruba vs SV Real Koyari
RCA a gana facil, pero den algun momento den e wega no a convence mucho, pero, a mehora hopi si den e di dos tempo cu mas energia y pasenan mas precies y tironan riba meta, kizas tawata djies un wega hopi facil, toch nan a tuma e wega aki masha na serio, esey no a cabe duda. Halftime a bai aden 3-0 na fabor di e tricolornan, nan a hasi e wega 7-0 prome cu Real Koyari a haya nan gol di honor na minuut 83 pa medio di Zaheem Boekhoudt. Jhon Silva di RCA tawatin un hattrick den e wega aki. RCA ta keda den di cuarto lugar awor y Koyari den e ultimo posicion riba tabla.
⚽’1 Jhon Silva RCA ⚽’ 27 Ronaldo Valderama RCA ⚽’33 Jean Louis Mackenley RCA ⚽’58 Jhon Silva RCA ⚽’67 Jhon Silva RCA ⚽’70 Jose Mondragon ⚽’75 Cristian Sinisterra ⚽’83 Zahir Boekhoudt KOY
🟨’30 Banton KOY 🟨’69 Luzardo KOY
–
–
SV Britannia 1 – 0 SV Deportivo Nacional
Britannia tabata dominando e wega aki te cu e di ultimo cuarto di e partido, apesar cu nan a score trempan na minuut 19, di Pieter Susebeek, te ey el a yega tambe, un biaha mas “hungando cu candela” c’un anotacion sera, ya cu e siman previo nan a empata cu Sporting caba. Nacional a pon’e mas presion casi na final di e partido, pero Britannia a logra wanta e resultado. Nacional no conoce victoria desde cu nan a gana Sporting den un bon manera den e prome wega di campeonato, toch por bisa cu nan tawatin chens di saca punto den mayoria di e partidonan ey, kiermeen nan tabata den wega semper, esey ta e lastima pa Nacional te cu awor, competitivo na ta, esey ta sigur. Wega a caba 1-0 p’e Pumanan y nan ta keda den di prome lugar cu 13 punto, un mas cu Dakota y La Fama, pero pendiente ta keda e partido entre e dos nan ey Diaranson cu ta bini, pa determina con e tabla lo keda na final di siman 5. Nacional ta keda den di 8 lugar.
⚽’19 Pieter Susebeek BRI
🟨’17 Ramirez BRI 🟨’21 Ceccarelli NAC 🟨’34 Rua BRI 🟨’56 Supriana BRI 🟨’69 Colmenarez NAC 🟨’70 Gil NAC
–
–
SV La Fama 1 – 2 SV Dakota
E partido di siman 5 sin duda tabata e clash entre number 1 y number 2 riba tabla, y e encuentro no a defrauda. Un wega di banda pa banda cu hopi bon tempo unda ambos ekipo a tuma turno pa bai den atake, un wega cu bon ofensiva y defensa di ambos banda cu a wordo dicidi te na final di e partido. Un ta pornada e dos ekiponan aki t’asina halto den ranking, un partido hopi bon oficia, bon coaching di ambos Jonathan Lake di Dakota y Jomar Boekhoudt di La Fama, unda nos por bisa, “nos por” tin bon partidonan asina, riba un nivel hopi halto. La Fama a bai ariba prome cu un gol di Delayno Jansen na minuut 7 caba. Dakota metodicamente a hunga bala y a alcansa cu hopi pasenshi mes, prome, e gol di empate na minuut 30, un bon gol di cabes di Daniel Briceño, y te na minuut 88 finalmente e gol di victoria pa medio di Sebastian Montoya, mester añadi; Montoya ta un hungador “clutch” cu ta hinca gol ora realmente tin mester. Asina tambe Dakota ta kibra e invicto di La Fama y tambe manten’e nan mes’un ratcha ganador tambe. Dakota ta keda den top di tabla cu 15 punto (den 5 partido). La Fama ta keda den di tres lugar cu 12 punto trei Britannia cu 13.
⚽’7 Delayno Jansen LAF ⚽’30 Daniel Briceno DAK ⚽’88 Sebastian Montoya DAK
🟨’28Jansen LAF 🟨’50 Bendiab LAF 🟨’54 Koorndijk LAF 🟨’66 Desir DAK 🟨’80 Paul DAK
