Connect with us

Division Junioren

Bubali ta gana Estrella cu e score minimo di 1-0 Division Junioren

Diaranson 30 di mei 2018 a continua e playoff division junioren den stadion Frans Figaroa na noord a topa otro Bubali contra di Estrella  y na mes momento na  stadion Guillermo Prospero Trinidad a topa otro Nacional contra di Brazil jrs.

Bubali contra di Estrella den e  campeonato regular den e prome round Estrella ta gana Bubali 6-2 riba tereno di Estrella, den nan di dos compromiso riba tereno di Bubali , Bubali ta gana cu e score di 4-3.

Na otro banda Brazil jrs den nan prome wega durante campeonato regular ta sa di gana di Nacional 4-2, den nan di dos wega ta Nacional ta sa di gana Brazil jrs 2-0.

Bubali den nan prome compromiso den e playoff aki nan ta sa di gana di Brazil jrs 3-0, Estrella ta bin di un derota for di Nacional cu e score di 0-2. Un wega caminda tabata tin hopi velocidad, preshon, atake tras di atake den un solo palabra un bon wega.

E prome parti di wega ta termina den un empate na cero gol. Den e di dos parti di wega pa ser exacto na di 59′ di wega e equipo di Bubali ta haja un penalty caminda cu Edmar Tromp #10 riba su camiseta y capitan ta cobra cu exito pa habri e marcador na 1-0. Despues di aki nan ambos equipo ta sigui crea algun oportunidad y tabata na di 79′ di wega Bubali ta manda un fusil cu ta dal den e tubo horizontal caminda Estrella ta scapa di chiripa. Final di e partido Bubali ta bai cas cu un otro victoria y ta jega na 6 punto den dos salida.

Estrella den dos salida cu dos derota cu 0 punto, na e otro banda e wega entre Brazil jrs contra di Nacional ta termina den un empate na 1 gol pa banda , caminda cu Nacional ta habri e marcador na di 4′ di wega. Un hungador di Brazil jrs ta haja kaarchi corra faltando 37′ pa wega termina. Brazil jrs ta logra score pa empata e wega faltando algun minuut pa wega caba. Score Final Brazil jrs contra di Nacional 1-1.

Brazil jrs den dos salida ta perde nan prome compromiso y ta empata den nan segundo wega y ta acumula 1 punto y Nacional den dos salida cu un wega gana y un empata pa un total di 4 pts. Proximo wega nan lo ta diaranson 6 di juni Estrella vs Brazil jrs na CDGT y Nacional vs Bubali na CDFF pa 8or pm.

Click to comment

Leave a Reply

Your email address will not be published. Required fields are marked *

More in Division Junioren