Connect with us

Division Damas

Britannia ta gana nan prome wega di e gran Final Division Damas

Lady Puma’s Britannia y Ladies Riverplate a hunga e prome wega di e gran final di Aruba su Futbol Campeonato 2017-2018 Division Damas. E dos equipo nan aki durante e Campeonato regular a topa otro na dos ocashon, den nan prome wega Britannia ta sa di gana e wega cu e score di 4-0, Den nan di dos compromiso ta Riverplate ta sa di gana e wega cu e score di 1-0. Den e playoff e prome wega Britannia ta sali ganador cu e score di 2-1 y den nan di dos compromiso Riverplate ta sa di gana cu e score di 2-0. Nos por mira claramente cu e dos team nan aki ta na mes un nivel.

Diamars 19 di juni 2018 den CDGT na Dakota a topa otro den nan prome compromiso di e gran final unda cu nan lo mester hunga un best out of three pa asina wak cua equipo lo titula Campeon , Den un wega caminda ambos equipo tabata trata di jega na e gol pero tabata e defensa cu tabata tin control di e wega ,e wega mes tabata mas den e parti meimei di e tereno, den tempo extra na final di e prome tempo pa ser exacto na di  45′ +2 ‘ di wega  Mylene Croes #10 riba un tiro di skina ta ricibi e bala y ta deposite den gol pa asina Britannia bai sosiego cu un ventaha di 1-0.

Den e di dos parti di wega Britannia a pone basta preshon , pero e defensa di Riverplate tabata sa di controla tur cos. Na e minuut nan final e equipo di Riverplate tabata crea algun oportunidad pero no por a score , Lady Puma’s Britannia ta logra bai cas cu e victoria di 1-0 y asina tambe ta keda na un wega pa e titulo di Campeon.

E wega a wordo dirigi pa D.Christiaans como refree principal y asisiti pa M. Guzman y M.Tromp y Fourth Official W.Tromp y Como Match Commissioner K Thomas.

Proximo wega lo tuma lugar Dialuna 25 di juni 2018 den CDGT pa 8or pm.

Click to comment

Leave a Reply

Your email address will not be published. Required fields are marked *

More in Division Damas