Connect with us

Division Uno

Brazil jrs Campeon di Aruba su Futbol Division Uno 2017-2018

Diamars 26 di Juni 2018 a tuma lugar den CDGT na Dakota e di tres y ultimo wega di e playoff final di Aruba su Futbol Division uno , despues cu den e prome dos wega nan a keda den un empate di 1-1 y despues 0-0.

Analisando e prome 45 ‘ nan di wega e equipo di Brazil jrs a bin awe dicidido pa bai cas como Campeon. Un wega caminda nan tabata crea hopi espacio y tambe peliger dilanti di e arco di nan contricante. Tempran na di 9′ di wega Owen van der Wijne #9 ta habri e marcador pa Brazil jrs bai ariba 1-0. Despues di aki nan e hungador #19 Samson Occean riba un hugada bruto ta dal e defensa di United cu un elleboog den su cara , caminda cu refree ta saca kaarchi corra direct pa asina e wordo expulsa for di wega. Brazil jrs cu un homber menos no a basila y a sigui ataka creando diferente oportunidad , pero tabata Yrving Tromp e keeper di United cu a trece salbacion na diferente biaha. Despues refree ta señala final di e prome 45’ nan di wega cu Brazil jrs ariba 1-0.

Den e di dos parti di wega Brazil jrs ta sigui ataka caminda cu e defensa di United a sa di kibra tur peliger di gol. United tambe a crea algun oportunidad pero Brazil Jrs su defensa tambe tabata funciona debidamente y tabata rechasa tur bala dilanti di nan arco. Den un atake di Brazil jrs Randolph Werleman #5 ta ricibi e bala y ta manda un fusil den e skina banda drechi di e keeper caminda tabata imposibel pa por a saca e bala pa Brazil jrs bai ariba 2-0 na di 73′ di wega. Despues di aki nan e hungador #4 J William di United den un wega bruto ta faulia un hungador di Brazil jrs y ta ricibi su segundo kaarchi geel y despues e corra y ta wordo expulsa for di wega.

Final di e wega caminda cu Brazil jrs ta bira Campeon ganando e wega cu e score di 2-0 y asina tambe wordo promovi pa e Division di mas halto di Aruba su Futbol pa e proximo temporada 2018-2019.

E wega a wordo dirigi como arbitro Principal L Bedoya asisti pa R Dirksz y J Boekhoudt y na mesa D Christiaans,

Maximo goleador di e campeonato a resulta Owen van der Wijne di Brazil jrs, Resultadonan a keda Campeon Brazil jrs ,Sub Campeon United, 3er Lugar FC Porto y na di 4to lugar RCS.

Vision Images kier a desea tur e equipo nan tur clase di Exito pa e proximo temporada 2018-2019.

Click to comment

Leave a Reply

Your email address will not be published. Required fields are marked *

More in Division Uno