Connect with us

Division Damas

SV Arsenal y SV Dakota a empata den nan prome wega

E campeonato 2018-2019 di Division Femenino a inicia cu e encuentro entre SV Dakota y SV Arsenal. E prome wega di e campeonato a reparti 1 punto na cada team despues cu esaki a termina empata 0-0. Ambos team a ricibi oportunidad pa anota gol, pero no a logra esaki, unda cu e keepernan tabata atento riba cada hugada.

Pa e prome wega contra SV Dakota, segun Pedro Morillo, coach di SV Arsenal, aña pasa nan prome wega a keda tabla contra e team di Dakota. E ta haya cu e damanan di Arsenal a hunga bou di nivel, pasobra e team no tabata completo durante training. Na final e wega a termina empata, unda cu nan a haya 1 punto respectivamente.

SV Arsenal a subi tereno buscando e prome 3 punto, segun coach Morillo. Nan a haya dos oportunidad pa anota y no a probecha di esaki. Coach Morillo ta contento cu e wega a termina empata y cu nan a haya 1 punto, pasobra esaki tambe ta yuda nan.

E prome wega di e campeonato por a bay ambos banda, asina Ferdinant Robert di SV Dakota a indica. E team di SV Arsenal ta un team y a haya oportunidad pa anota gol, mientras cu SV Dakota tambe a haya oportunidad. Tin caminda pa mehoracion y mester traha riba esey, el a sigui indica. Durante e wega a mira kico a bay bon y malo. Desde esey lo bay train e partinan cu a bay menos bon.

Aworaki e parti di mehoracion ta importante p’e team. E siguiente wega di SV Dakota lo ta diamars dia 23 di October pa 8:00pm, unda nan lo ta enfrentando RCS. SV Dakota ta invita su fanaticada pa yega Compleho Deportivo Frans Figaroa. SV Arsenal su segundo encuentro lo ta dia 22 di October y esaki ta contra Britannia pa 8:00pm na Compleho Deportivo Frans Figaroa.

Click to comment

Leave a Reply

Your email address will not be published. Required fields are marked *

More in Division Damas