Connect with us

Division Honor

Play-offs di Division Honor ta start cu e “Clasico di Aruba”, Estrella vs Dakota

Estrella vs Dakota ta un clasico cu un trajectoria hopi largo, un rivalidad cu a cuminsa den anjanan 60 y a acelera na final di e decada drentando anjanan 70, pero awendia e rivalidad ta ainda vigente y hopi significante pa e fanaticadanan.

Dakota, e actual campeon di Division Honor y ganado di ‘Copa Betico Croes’ e anja aki, a termina e campeonato regular aki na prome luga riba tabla di clasificacion.

Estrella a consolida su mes den e di cuarto luga riba e tabla te den e ultimo siman nan despues di un comienso di campeonato bastante dificil.

Dakota a caba e campeonato anotando un total di 51 gol y permitiendo solamente 16 en contra den 18 partido, nan a comanda e tabla di clasificacion pa mayoria di e campeonato, numbernan hopi impresionante.

Estrella a hunga mayoria di e campeonato cu hopi inconsistencia den nan planteo debi na hopi lesionan di varios di nan hungadonan estelar, entre otro Phaedrick Baromeo y Hugo Robert, algun hasta for di final di campeonato anja pasa. Cu tur e limitacionan ey, toch e ekipo di Santa Cruz a demostra hopi karakter y a sabi di bataya te cu a logra yega play-offs.

E dos ekiponan a enfrenta otro den siman 9 y 18, unda Dakota a gana ambos clash cu anotacion di 3-0 y 5-1 respectivamente, pero Estrella sigur no lo worry cu e historial ey, ya cu pa nan “play-offs” ta mane un comienso di un campeonato nobo!

Tur cos por pasa den e play-offs nan aki, nada ta scirbi ainda entre a cuater miho ekiponan aki (incluyendo Nacional y RCA).

Ban wak ki drama lo tin e anja aki den play-offs di Division Honor, pero e apertura entre Estrella contra Dakota ‘sigur sigur’ ta un encuentro hopi interesante

Click to comment

Leave a Reply

Your email address will not be published. Required fields are marked *

More in Division Honor