Connect with us

Division Junioren

Cu Gol di Jeanpierre v/d Linden y Mairon Tromp Estrella ta clasifica pa Final di Aruba su futbol Division Junioren U20.

Foto: Hubert de Cuba /Vision Images

Diaranson 22 di Mei 2019 a tuma lugar den Compleho Deportivo Frans Figaroa na Noord e semi final di Aruba su Futbol Division Junioren U 20 entre e Naranjadanan di Sta Cruz Estrella contra di e Uptown Boys nan di Brazil Jrs.

Un wega hopi importante pa ambos equipo pa motibo cu e ganador lo clasifica pa hunga e gran final contra di e equipo di Britannia. Mester bisa un tremendo wega caminda ambos equipo a bin todo por todo pa bai cas cu e victoria.

Na cuminsamento di wega  riba un tiro di skina dilanti e gol di Brazil Jrs e hungador #10 di Estrella ta gara e bala cu su man y naturalmente refree Peer Bastiaans no ta basila y ta dune un kaarchi geel. Den un atake di e equipo di Estrella pa ser exacto na di 24 min di wega riba un pase di Trevor Farro pa Jeanpierre v/d linden ta logra habri e marcador pa asina Estrella bai ariba 1-0. Brazil jrs ta sigui pone basta preshon riba e equipo di Estrella pero no por a habri e marcador. E prome 45 min nan di wega ta termina cu e score di 1-0 na fabor di Estrella.

Den e prome minuut nan di e segundo parti e equipo di Brazil jrs ta sigui pone preshon pero no por a anota e gol. Estrella ta cuminsa haja espacio y na diferente oportunidad ta casi amplia e score pero ta e portero di Brazil jrs ta trece salbashon. Na di 83 min di wega riba un tiro di skina pa e equipo di Estrella e bala ta reboltea dilanti gol caminda cu Mairon Tromp no ta basila e ta deposita e bala den net pa asina tambe sella nan clasificashon pa e gran final di Aruba su futbol Division Junioren. Estrella ta bai cas cu e victoria di 2-0 riba e Uptown Boys nan di Brazil jrs.

Nos Mester bisa aserca un tremendo trabow di e cuerpo di arbitro cu a dirigi e wega bow mando di e veterano Peer Bastiaans. Segun schedule e gran final lo tuma lugar Dialuna 27 di Mei pa 8 or den CDGT na Dakota entre Estrella contra di Britannia. Nos kier a desea ambos equipo tur clase di EXITO pa e gran Final.

Click to comment

Leave a Reply

Your email address will not be published. Required fields are marked *

More in Division Junioren