Connect with us

Division Honor

E ultimo fecha di Playoff lo dicidi e dos finalistanan di AVB Division Honor 2018-2019

Foto: Hubert de Cuba /Vision Images

Despues di ful un campeonato y tambe dos rond di Playoff, ainda e finalistanan di Division Honor pa e campeonato 2018-2019 no ta dicidi, pero, e Diadomingo aki e gai lo canta sigur, y nos lo haya sa sigur ta ken lo hunga e gran final di e anja aki.

Bayendo den e ultimo fecha ta Nacional ta comandando e tabla cu 10 punto y un diferencia di gol di +5 despues di nan victoria contundente contra Estrella di 4-1 e siman previo.

RCA cu a bin di un victoria dramatico den tempo extra di 3-2 contra Dakota, t’awo den di dos luga riba tabla cu 10 punto tambe pero cu un diferencia di gol di +3. Dakota ta sigui den di tres luga cu 8 punto, Estrella ta elimina y ta hungando pa orgullo.

RCA lo topa cu Estrella, pero, e Naranhadanan ta elimina caba foi contencion pa yega final, pero mester enfatisa cu apesar di esey, nan a bin ta hungando nan mihor futbol den e dos ultimo partidonan apesar cu e resultadonan no tabata na nan fabor. Estrella lo ta hungando pa orgullo y por sorprende, sin duda.

Dakota ta hunga contra Nacional, despues cu den prome rond di Playoff nan a empata 1-1 den un partido epico, awo e campeon y sub-campeon di campeonato pasa lo topa otro pa dicidi ken ta bai final y ken ta keda afo.

Den e ultimo fecha aki, tur e dos partidonan lo wordo hunga na e mesun ora di 6pm Diadomingo awo. Nacional lo hunga contra Dakota na CDGT den e ‘clasico moderno di Aruba’ y RCA lo hunga contra Estrella den e ‘Clasico Arubano’ na CDFF na Noord.

E scenario pa Nacional:

Nacional ta e ekipo cu e miho opcion pa clasifica. Den e caso cu Nacional gana of empata, nan lo bai final. Nacional por perde mes, y sperando p’e resultado di RCA, ainda por bai hunga pa e titulo, pa so, si RCA tambe perde cu Estrella, pa un margen igual of mas grandi, ya cu e Dragonnan lo tin un bentaha di “doel-saldo” di +2 caba riba e Tricolornan.

E scenario pa RCA:

Un victoria of empate di RCA lo significa cu nan lo bai final automaticamente. Un empate di Nacional, apesar cu hasta si RCA mes perde, ta cualifica nan tur dos, lagando Dakota afo. Den caso di un derota di ambos, Nacional y RCA, mester spera pa wak cu cuanto cada un di nan lo a perde. Nacional cu e bentaha debi na e +2 den “doel-saldo” versus RCA. pero, si Nacional gana Dakota, nan tur dos, Nacional y RCA, lo clasifica pa final.

E scenario pa Dakota:

Dakota mester gana Nacional pa bai final, simpel, no tin niun otro opcion pa e Amarillonan, nan lo keda elimina cu cualkier otro resultado! No tin niun otro speculacion pa Dakota, gana y bai final, perde of empata, bai cas.

Click to comment

Leave a Reply

Your email address will not be published. Required fields are marked *

More in Division Honor