Connect with us

Division Honor

FutbolAruba y AVB a presenta e nominadonan pa Ballon D’Or

Foto: Hubert de Cuba /Vision Images

E nominadonan pa Ballon D’Or pa e campeonato 2018-2019  a wordo anuncia. E evenemento grandi aki lo tuma lugar dia 25 di Augustus den Ballroom di Marriott hotel na Palm Beach.

 

E proposito di e Ballon D’Or y demas premionan:

FutbolAruba den su obhetivo pa promove nos futbol pa yud’e progresa, tin como meta pa duna atencion na e individuo mas importante den futbol, ‘e futbolista”. Pa otorga reconosimento y duna premiacion, algo cu ta motivante pa un hungado di bala, ta rekeri atende y observa tur wega henter e campeonato.

Mester remarka cu apesar cu e Ballon D’Or ta enfoca riba Division Honor, e nivel di futbol mas halto riba nos isla, FutbolAruba a percura tambe di duna atencion y cubri lo maximo posibel, apesar di falta di recurso, tur e otro division nan, for di e mas chikitonan di U5 bai ariba, incluso Division Damas. 

FutbolAruba a sa di acumula informacion di tur division p’asina mantene record y estadisticanan, dunando e atencion rekeri na e futbolistanan, alaves tambe den forma di reportahe scirbi y fotografico riba nos website. Na e evenemento di Ballon D’Or lo duna diferente premiacion na tur e otro divisionnan tambe, excepto U5 y U7 cu tecnicamente no ta divisionan competitivo, na e fase ey e muchanan ta mas participativo, ta mas bien pa introducinan na e deporte rey.

E proceso pa determina e nominadonan:

E proceso pa yega na e nominadonan ta uno di hopi constancia y dedicacion. E voluntarionan di FutbolAruba (conhuntamente cu algun otro miembronan di media), cu ta forma parti di e panel pa determina e ganadornan, a atende y a presencia cada minuut di tur wega den e campeonato regular y playoffs. Despues di cada wega e miembronan di e panel ta entrega nan escohencia di “Man of the match” pa e partido ey. Na final di campeonato ta conta tur e votonan ey.

Pero e votonan di “Man of the Match” so no ta determina e nominadonan, na final di campeonato ta rekeri un meeting di ful e panel pa discuti y ratifica, y considera otro factornan manera status di disciplina, exito di e ekipo, titulo, y pa añadi e factornan ey como puntuacion adicional den forma di bonus.

Na e reunion final di FutbolAruba e miembronan hunto ta dicidi e ganado di e Ballon D’Or, tambe e “Guante di Oro” pa e miho portero, y e “Dream Team”, e miho diesun nan di ful e campeonato.

Ademas tambe ta otorga premio na tur e goleadornan di cada division, y alaves e miho futbolista di Division Damas.

E nominadonan pa e Ballon D’Or 2018-2019:

E premio di Ballon D’Or ta den su di tres aña awo, den e prome edicion ta Devis Oliveros, delantero di Nacional a keda como e ganador y aña pasa tabata Nickinson Paul, defensor di Dakota cu a bai cu e premio grandi.

E tres nominadonan pa e Ballon D’Or 2018-2019 ta; 

  • E hoben right back; Edward Clarissa di Nacional, 
  • E capitan di e campeon di Division Honor, e delantero Ronald Gomez di RCA.
  • E ganado di e prome Ballon D’Or y actual goalgetter di Division Honor, e delantero Devis Oliveros di Nacional.

Ballon d'Or 2019

Posted by Futbol Aruba on Tuesday, August 13, 2019

Click to comment

Leave a Reply

Your email address will not be published. Required fields are marked *

More in Division Honor