Connect with us

AVB

Academia di AVB cu van nobo pa por transporta materialnan

Arubaanse Voetbal Bond (AVB) a cumpra un van nobo na Garage Centraal y a haci esey cu un meta. Academia di AVB lo ta haciendo uzo di e van nobo aki.

Na comienso di aña 2020 nos a cuminsa cu un proyecto cu ta e academia. A percura pa busca un bus pa
transporta e hungadonan di diferente bario y hiba nan stadion. Tambe mester di un vehiculo cu por transporta e materialnan. Na momento cu AVB a acerca FIFA p’e proyecto, a splica nan riba e necesidad banda di bus mester van pa transporta e materialnan.

Basando riba e importancia di e proyecto aki di biaha FIFA a bay di acuerdo, asina ing. Richard Dijkhoff, presidente di AVB, a expresa. Asina a cumisa cu e proceso y por a yega na e van aki. Garage Centraal a haci entrega di e van y awo tin un van mas pa haci e trabou mas facil.

Un biaha mas esaki ta duna indicacion di e stapnan cu nos ta dal pocopoco, pero sigur pa desaroyo di futbol na Aruba. Posiblemente hopi hende ta bay bisa pakico un van, pero tur esaki ta parti di un proyecto total cu a entrega na FIFA, esta e “Grow football”. Nos intencion ta pa traha riba e desaroyo di futbol.

Ing. Dijkhoff ta gradici e directiva di AVB cu a haci esaki posibel pa motibo cu tin un trabou cu a tuma luga pa por a yega asina leu. A dal un stap mas cerca unda kier logra y den e direccion corecto unda cu kier hiba e futbol. Ta haci un peticion na tur hende eyfo pa busca e documento di e proyecto “Grow Football” y asina por ta informa den ki direccion ta bayendo cu e futbol di Aruba. AVB ta haciendo  caminda cu dia di mañan por logra e metanan cu tin pa drecha futbol di Aruba.

Click to comment

Leave a Reply

Your email address will not be published. Required fields are marked *

More in AVB