Connect with us

Club

SV Britannia ta e prome veld cu luz LED na Aruba

Diabierna anochi 3 juni 2020 tabata un anochi grandi pa e organisacion di Piedra Plat/Paradera ora cu e luznan LED a wordo sendi na e veld di SV Britannia.

27 aña pasa pa medio di e tempo ey minister di deporte mr Hendric Croes cu a hasi posibel cu basta veldnan di futbol na Aruba a haña iluminacion cual tambe tabata inclui SV Britannia.

Después di 27 aña directivanan di SV Britannia/CB Piedra Plat a sigi traha y awe  por a cambia e luznan tradicional pa luznan LED.

Dos ventaha grandi cu e luznan LED aki tin ta cu nan ta usa 25% menos di coriente y tambe nan ta mucho mas cla cu e luznan tradicional.

Na e ocacion aki a entrega ex minister di deporte señor Hendric Croes un plakaat di reconocimiento.

E luznan LED a wordo sendi pa Sr. Eddie Berg hunto cu prome minister señora Evely Wever Croes.

Na final tabata tin un sorpresa ora cu a nombra e Skybox di SV Britannia na nomber di señor Eddy Berg.

Después tabata tin wega di fogeo entre e team di cas contra di United, cual wega tabata di masha bon nivel. Tambe kier a gradici comicion di refree cu a coopera cu e ocacion aki.

Un danki ta bai na tur persona, instancia, comercio, directiva, comicion, Quick Electrical y Time Line Servises pa e bunita trabao cu ta wordo hasi pa nos hubentud.

Click to comment

Leave a Reply

Your email address will not be published. Required fields are marked *

More in Club