Category: Uncategorized

Juan “Juju” Rasmijn tin e record di anota mas gol den play-off

E aña aki Arubaanse Voetbal Bond (AVB) lo reconoce un persona hopi conoci den e mundo di futbol. Ta trata di Juan Rasmijn, miho conoci como Juju, naci na Aruba dia 28 di Augustus 1967. Juju Rasmijn ta bin di Santa Cruz. Su mayornan ta Jan y Flora Rasmijn y Juju a lanta cu mas rumannan den cas, kendenan tambe a hunga bala pa hopi tempo. Su rumannan conoci ta Kees Rasmijn y Maikel Rasmijn.

Juju Rasmijn a cuminsa hunga bala desde su edad di mucha di 9 aña tempo cu Titichi Croes d.f.m. tabata dirigente di SV Estrella. Juju Rasmijn a cuminsa su carera den e ekipo di Estrella lifida, den cual el a milita den e divisionnan aspirant, junioren y mayor. Despues di esaki el a bay hunga pa SV Sportboys pa algun aña. Na 1981 el a forma parti di e seleccion hubenil di Aruba cu a hunga weganan pa mira cua isla lo forma seleccion di Antias. Pero na 1984 despues cu dirigentenan di SV Estrella a mira e potencial den Juju Rasmijn, nan a acerca su persona pa e regresa cas y el a milita den e oncena oraño.

Den e mes un aña aki A.V.B. a scoge Juju Rasmijn como e  “Hungado di Aña”. E aña aki tambe tabata e prome aña cu el a hunga su prome play-off cu Estrella. Durante su temporada den SV Estrella Juju Rasmijn a participa den mas cu 15 play-off y tabata un di esunnan cu a hunga mas wega di play-off. Den tur play-off el a score 9 biaha. Den SV Estrella Juju Rasmijn tabata un di e hungadonan cu mas exito ya cu e club aki el a 8 titulo campeon di Aruba. E añanan cu nan a titula campeon ta 1985, 1988, 1989, 1990, 1992, 1996, 1998, 1999 y 2 biaha sub campeon na 1987 y 1995/1996.

Na 1985 Juju Rasmijn a hunga den e ultimo Copa Antiano cu un club di Aruba a participa den e torneo aki. Desde aña 1985 te cu aña 2000 Juju Rasmijn a forma parti di e seleccion Nacional di Aruba y a participa den diferente wega internacional den region di Caribe, representando su dushi isla Aruba. Juju Rasmijn a hunga mas cu 20 wega p’e seleccion Nacional di Aruba.

Na 1990 contra e team di Jong Aruba, Juju Rasmijn a bira, a pesar cu e ta hunga den defensa, e prome hungado cu a score 5 gol den un wega di play-off. Te cu e fecha di awe, e record aki ta den su posesion. Na 1995 a eligi Juju Rasmijn como e hungado di aña 1995 Li-Prof como defensa di SV Estrella. Na aña 2006 Juju Rasmijn na e edad di 40 aña a cera un bunita carera den futbol, despues cu el a hunga 20 aña e deporte futbol. Riba tereno Juju Rasmijn tabata un conoci como un hungado ehemplar y uno cu semper a duna lo maximo.

E aña aki, ta dedica e campeonato di futbol Division di Honor 2017-18 na su persona, como un reconocimento pa su aporte y dedicacion na nos deporte rey, Futbol!

Wega final di futbol ta entre SV RCA y Deportivo Nacional

Diamars anochi e comision di apelacion (Beroepscommissie) di Arubaanse Voetbal Bond (AVB) a reuni riba e beroep cu Deportivo Nacional a entrega contra e decision di directiva di AVB, relaciona cu e ultimo wega hunga den liga “Division di Honor” entre SV Dakota y Deportivo Nacional. Despues di deliberacion interno, e comision a duna Deportivo Nacional rason den nan ponencianan y como tal e wega final pa e titulo di campeon lo bay entre SV RCA y Deportivo Nacional.

Directiva di AVB mes no a participa den e decision aki pa dos motibo. E prome ta pasobra Beroepcommissie ta traha independiente. Y e di dos motibo ta pasobra cu e beroep ta contra e decision di directiva di AVB mes y no contra e protesta di SV Dakota.

Pa awor, e decision aki ta final, tanto pa Deportivo Nacional como pa directiva di AVB y manera cu reglamento ta prescribe, e decision ta “bindend voor alle partijen”. Despues cu AVB a ricibi dicho decision lo cuminsa prepara pa organisa e weganan final. Mester tene en cuanta cu e 4 dianan cu ta stipula pa regla pa por organisa un partido. Probablemente e prome di e tres weganan lo cuminsa otro siman.

Ta bon pa menciona cu tawata tin hopi critica ariba AVB, entre otro cu no tin transparencia y cu AVB no ta sali informa encuanto e caso. Desde un principio AVB a informa cu na momento cu un beroep keda entrega, esaki tin un proceso cu e tin di encamina. AVB a pidi pa duna e comision e espacio necesario pa nan por trata e caso debidamente y pa nan por tuma un mihor decision cu ta posibel. AVB tawata di opinion cu tanten cu no tin un decision no lo duna ningun comentario pa asina evita cu e comentarionan por wordo mal uza.

Despues cu AVB a tuma nota ayera nochi y awe durante henter dia encuanto un noticia cu tawata circulando rond ariba social media cu Deportivo Nacional a hanja razon den nan beroep, AVB a opta pa no reacciona pasobra AVB tawata en espera di e decision final for di e comision di Apelacion. AVB ta di opinion cu mientras no ricibi e decision final no por reacciona ariba insinuacionan. Pues awor cu e decision a keda entrega na AVB, e clubnan a wordo notifica y awor tin cu bai organisa e Play Off final.

Hermandad ta resalta den Futbol

whatsapp-image-2016-11-22-at-11-55-16-am-1E dirigente y mayornan di Aruba Soccer Academy (ASA) recientemente a logra un donacion significante pa e miembronan di otro teamnan, proveyendo sapato special pa hunga futbol pa mas di 60 hoben. E accion y gesto di e famia di Aruba Soccer Academy ta refleha e hermandad cu ta resalta den e mundo di futbol na Aruba. Esaki ta momentonan unda cu e mayornan ta uni, hunto cu dirigentenan y ta logra cosnan bunita pa e prohimo, unda cu nan ta goza ainda mas di nan deporte faborito.

E experiencia bunita aki, cu un caracter di “pay it forward”, a cuminsa durante di un wega amistoso riba un veld P’ariba di Brug ora cu David “Appie” Abdul a ripara cu e hungadonan di e team opuesto no tabatin sapatonan special pa hunga futbol. E muchanan tabata hungando cu keds normal na pia.

whatsapp-image-2016-11-22-at-11-55-17-am-3El a puntra tocante di e sapatonan y a haya como contesta cu e muchanan no tin. Tabata bisto cu nan ta hunga motiva pa nan amor pa e deporte, pues cu of sin e sapato special nan ta subi veld cu hopi entusiasmo. E situacion a resulta den un peticion special pa tur mayor di Aruba Soccer Academy den nan “chat group”. David Abdul a pidi un fabor, esta pa ken cu por tin sapato di futbol uza cu nan no ta haci uzo mas di dje, pa nan regala esaki na e team di hoben di San Nicolas.

Un balente cantidad di sapato den bon condicion a wordo entrega, haciendo un donacion grandi posibel. Un hoben ta crece lihe, su sapatonan ta bira chikito p’e, y ta pasa cu frecuencia cu e sapatonan aki ta keda warda den cashi pa por ehempel pas’e sea pa un ruman mas chikito of un amigo cu si e ta sirbi. Awo, enbez di warda e sapatonan, e muchanan a saca nan sapatonan for di cashi y a pasa nan pa coleganan di un otro team.

whatsapp-image-2016-11-22-at-11-55-16-amPa e gran sorpresa di David, den e grupo di chat tin un mayor, Ricky Nava, kende ta donjo di un compania cu a tuma un decision for di su curazon, inspira pa e hobennan y su mesun yiu su amor pa e Deporte Rey: el a laga sa cu e ta bay sponsor tur e sapatonan nobo pa e muchanan di e team.

E donacion di parti di PMEC a resulta den un tremendo beneficio pa no un, pero tres team cu tabatin mester di un poco sosten. E sapatonan nobo a bay pa e team pa cual originalmente Abdul a pidi e fabor, y e sapatonan uza, pero den bon condicion, cu tur e mayornan hunto a contribui, a bay pa dos otro team.

whatsapp-image-2016-11-22-at-11-55-17-amE entrega di e regalonan di e hungadonan di Aruba Soccer Academy, nan mayornan y PMEC a tuma luga den un ambiente festivo, unda cu a invita e hobennan pa reuni y a sorprende nan cu e sapatonan. Herbert Beeldsneijder a ricibi e sapatonan den nomber di FC San Nicolas for di PMEC.

Ekipo di Hulanda ta habri porta pa mas hungado di Aruba

IMG-20160803-WA012_1Diamars atardi Aruba Soccer Academy a invita prensa pa un encuentro na e oficinanan di nan sponsor principal Mediq pa un anuncio alentador.  David Abdul, Eric Abdul y Alwin Toppenberg a bisa cu den apenas su prome seis lunanan di existencia ASA a surpasa su meta anual di manda un hungado Hulanda pa tryout, y tin tres hoben biahando den e proximo dianan pa Sparta Rotterdam riba un invitacion for di e organisacion pa bay tryout cu nan division “jeugd”.

Continue reading “Ekipo di Hulanda ta habri porta pa mas hungado di Aruba”

Sv Britannia Gatorade / Total Finance ta gana Bubali 2-0

Brit vs Caravel IDiaransona anochi den stadion Guillermo P. Trinidad tabata tin continuacion di campeonato regular di AVB ora cu e pumanan di Piedra Plat esta Sv Britannia Total Finace a topa cu e orguyonan di Noord esta Bubali. E wega tabata di suma importancia pa Bubali door cu Bubali mester di un victoria pa acumula punto pa por drenta como e di 4 clasificado den e playoff. Tanto Britannia Bright Bakery, RCA y Dakota ta clasifica caba y tur tres team ta preparando nan mes pa playof final.

Continue reading “Sv Britannia Gatorade / Total Finance ta gana Bubali 2-0”

RCA Campeon Copa Betico Croes 2015/2016

160125_01
Eugene Farro, Johnatan Ruiz, Ricky de Leca, Ronald Staring, Roman Aparicio y Jason Colina durante e wega di Britannia vs RCA. Copa Betico Croes Final. Januari 25, 2016 (© DAC Image)

E prome minuut nan di wega nos por a ripara cu e wega aki lo por bira un interesante unda den e minuut nan inicial wega tabata basta balansa. Na di 11m. nos por a wak e prome tiro riba gol di parti di RCA unda Eric Santos ta los un tiro y esaki ta dal den defensa bai corner. Via e corner aki RCA ta score pero e gol aki ta wordo bon anula ( momento de kop, spits di RCA ta ocaciona un foul ). Despues di e hungada aki RCA a cuminsa domina e wega poco poco y laga Britannia completamente riba nan terreno y sin chens di Sali. Den e 14m. e segundo tiro riba gol di RCA a jega via Ronald Gomez, pero no a dura ni un minuut cu RCA ta score. Continue reading “RCA Campeon Copa Betico Croes 2015/2016”

RCA ta pasa pa final Copa Betico Croes ganando River Plate 5-0

160121_06-2
Juancho Santos, Ronald Gomez y Jean-Luc Bergen trio cu a score durante e wega di River Plate vs RCA Copa Betico Croes Semifinal. Januari 21, 2016 (© DAC Image)

Den prome seconde di wega por a ripara cu tabata e derby di capital. Den e prome 15 minuut nan wega hopi sera y hopi fysiek di tur dos banda. Pero na di 20 minuut un fout grandi entre defensa y keeper di River Plate unda Ronald Gomez ta probecha esaki y duna un bunita pase pa Juan Santos unda ta score 1-0. River Plate a keda hunga nan wega y purba di sera tur e hungada nan di RCA pero asina mes Ronald Gomez ta bolbe recupera e bala y los un tiro cu ta dal na banda di net. Den e ultimo minuut di e prome tempo tur dos team a haña chens pa score pero sin resultado y asina halftime ta bai 1-0 aden pa RCA. Continue reading “RCA ta pasa pa final Copa Betico Croes ganando River Plate 5-0”

Den e clasico di Santa Cruz Estrella ta gana Caravel

Ekipo di Estrella (© DAC Image)
Aliniacion di e ekipo di Estrella durante e wega di Estrella vs Caravel Division Honor prome buelta. December 17, 2015 (© DAC Image)

Wega aki tabata uno di hopi importancia pa tur dos ekipo sabiendo cu awor aki nan ta den posicionan di promotie/degradatie. Un victoria lo ta hopi importante pa tur dos. Wega a cuminsa cu hopi fout di tur dos banda (nervio) y aki nan ta unda Liomar Croes di Estrella a sa di probecha di un fout den e mediocampo di Caravel y duna un bunita pase pa Dwayn Raven pa asina e score e prome gol y manda Estrella ariba 1-0. Despues di e gol aki nos por a mira cu e ekipo di Caravel a lanta un poco for di soño y a cuminsa ataca Estrella y crea varios ocacion di gol. Na di 20 minuut un bunita pase di Larry Barrios pa Cederick Lopez y lagele completamente su so dilanti di gol. Pero portero di Estrella Denrick Lopez (cu por sierto a hasi un tremendo trabow) a sa di hasi e gol chikito pa asina Cederick lop e bala pero e bala ta sali na banda. Continue reading “Den e clasico di Santa Cruz Estrella ta gana Caravel”

RCA ta kibra invicto di Britannia

12/15/15 RCA ta kibra invicto di Britannia.
12/15/15 RCA. (© DAC Image)

Wega a cuminsa hopi tranquil unda tur dos team tabata studiando otro. Den e prome 5 minuut nan por a ripara un leve dominio di RCA unda Stiven Melchor y Jean-Luc Bergen ta los dos tiro riba keeper di Britannia Kendrick Dania pero sin peliger. Na di 10 minuut Britannia ta hanja un tiro liber unda bala ta wordo lora dilanti gol pero aki keeper di RCA ta sali malo pero sin consequencias. Na di 17 minuut referi ta anula un gol di RCA den posicion offside. Despues di e hungada aki por a ripara ku RCA a cuminsa domina e wega kada ves mas. Den un tremendo hungada di Stiven Melchor riba linja y lora e bala unda defensa ta bai den fout pero Juan Santos no a verwacht esaki y bala ta dal den sup echo pero bala ta bai direccion di keeper. Continue reading “RCA ta kibra invicto di Britannia”