Lady Puma’s Britannia Campeon Division Damas 2017-2018.

Dialuna 25 di juni 2018 a tuma lugar den CDGT na Dakota e di dos wega di e gran final di Aruba su Futbol Division Damas. Caminda cu Lady Puma’s Britannia a bolbe topa cu Lady Riverplate, caminda cu den nan prome compromiso Britannia ta sa di gana e wega cu score minimo di 1-0. Britannia cu un empate mes lo titula Campeon.

Den un wega dramatico  e equipo di Riverplate ta pica dilanti despues cu e hungador Donnevier Luitjes #3 ta logra habri e score tempran na di 3′ di wega.Na di 10′ di wega tabata e hungador Zamira v/d Linde #18 riba un hugada individual ta logra empata e wega. Ambos equipo ta sigui preshona caminda cu na di 23′ di wega tabata e hungador #23 Josanne Maduro riba un tiro caminda tur hende a kere cu e bala lo pasa banda di gol, e portero ta keda wak e bala cu ta bai pega den net pa haci e wega 2-1 na fabor di Britannia. Riverplate ta logra empata e wega na di 33′ di wega pa medio di M Kock #10 riba su camiseta. Y cu e score di 2-2 refree ta finalisa e prome 45′ nan di wega.

Den e di dos parti di wega nos mester bisa e wega a bira basta bruto caminda cu refree a cuminsa saca kaarchi tanto geel como corra , un wega cu tabata bayendo hopi bon, pero lastimamente cos no a bai di e bunita ey cu  a termina den un Bululu basta for di sla.  Na di 85′ di wega tabata A simon #8 ta score y ta pone e cherry riba e bolo pa asina Britannia bai cas cu e victoria di 3-2 y asina ta Titula Campeon di Aruba su Futbol 2017-2018 Division Damas. Resultado nan di e campeonato, na di cuater lugar a keda La Fama na di tres lugar RCA , Sub Campeon Riverplate y Campeon Britannia. Vision Images kier a felicita tur e equipo nan cu nan logro durante e Campeonato 2017-2018. Exito den e proximo Campeonato 2018-2019.

Start a Conversation

Your email address will not be published. Required fields are marked *