Connect with us

AVB

AVB hunto cu KNVB a brinda curso di “Trainers Coach”

MES_4708 (Copy)Bo ta siña hunga futbol door di practica y siñando di diferente angulo den e disciplina di deporte. Na Aruba tin mas cu suficiente boluntario bezig via clubnan, via scol y e asociacion di futbol. Pa yuda e boluntarionan desaroya nan mes miho, Arubaanse Voetbal Bond a cuminsa na fin di aña 2014 cu un curso di “trainer-coach”. E curso aki ta facilita door di “KNVB Academie” danki na e lasonan existente entre AVB y KNVB, cu ta e asociacion di futbol di Hulanda.
Piet de Jong ta duna e curso aki, kende den e ultimo periodo a traha cu ex keeper y trainer profesional, esta Stanley Menzo. Menzo a participa den su carera den mas cu 350 wega di futbol riba e nivel mas halto y tambe a participa 6 biaha den e seleccion nacional di Hulanda.

Piet de Jong a studia na ALO na Tilburg y desde 1989 a cuminsa cu su prome cursonan di futbol na KNVB. Desde 1972 pa 2011 el a sirbi como “head coach” di diferente ekipo di junioren y senioren te cu e nivel mas halto di amateur na Hulanda. Desde aña 2001 e ta “National and international UEFA level B instructor” y na aña 2014 el a bira “International UEFA level A instructor” di KNVB. Na nivel nacional e ta docente di e cursonan di TCIII y TCI.

MES_4693 (Copy)Na luna di october di 2014 a cuminsa acerca e clubnan di futbol di Aruba via un peticion, pa dal e prome paso pa un curso “trainer-coach III” (TC III). Na final di e prome trayecto a selecta diferente studiantenan pa e curso TC III, di cual e prome fase a cuminsa na fin di Februari 2015. Entrenamento di hobennan bou di 6 aña tabata e enfasis di e prome fase aki. Y na luna di Mei a ripiti e fase aki. E siguiente fase a cuminsa na Mei, den e fase aki nan a concentra pa organisa entrenamento pa e hobennan di 16 pa 19 aña. Den e siguiente periodo e studiantenan a haya diferente tarea pa amplia nan conocemento den futbol cu mester a wordo entrega via email.

E ultimo fase a cuminsa na e tercer rond di “FIFA World Cup Qualifiers” riba 15 di September. E ultimo fase aki tabata tin 3 aspecto principal: Organisa entrenamentonan pa e diferente gruponan, “coaching skills” y habilidad analitico. E trainingnan aki tabata pa siña e hobennan con pa hunga hunto, traha riba nan desaroyo individual y tambe pa yuda e hobennan cu nan condicion.

E participantenan a haya prueba di seccion di training, di reglanan di wega y di teoria. Tur participante a haci nan examen final den e periodo di 15-30 September. Tur a logra pasa e examen practico y e examen di e reglanan di wega cu exito. Den e siguiente dianan nan lo mester traha un programa di 12 siman nan so y organis’e exitosamente den practica, prome cu nan ricibi nan diploma na januari 2016.

MES_4714 (Copy)Na e momento aki AVB ta conta cu trainernan cu diploma na nivel di TC III, TC II y TC I, di cual TC I ta e nivel di mas halto. Adicionalmente a organisa un tayer di “Keepers Clinic”, facilita dor di Stanley Menzo. E “workshop” tabata pa brinda e participantenan na e curso y e keepersnan cu nan a scoge, un poco mas “keepers training skills” cu sin duda a cay den masha bon tera cerca tur e cursistanan.

More in AVB


Warning: file_put_contents(): Only 45056 of 121846 bytes written, possibly out of free disk space in /home/futbolaw/public_html/wp-content/plugins/comet-cache/src/includes/traits/Ac/ObUtils.php on line 430

Fatal error: Uncaught Exception: Comet Cache: failed to write cache file for: `/2015/10/02/avb-hunto-cu-knvb-a-brinda-curso-di-trainers-coach/`; possible permissions issue (or race condition), please check your cache directory: `/home/futbolaw/public_html/wp-content/cache/comet-cache/cache`. in /home/futbolaw/public_html/wp-content/plugins/comet-cache/src/includes/traits/Ac/ObUtils.php:435 Stack trace: #0 [internal function]: WebSharks\CometCache\Classes\AdvancedCache->outputBufferCallbackHandler('<!DOCTYPE html>...', 9) #1 /home/futbolaw/public_html/wp-includes/functions.php(5219): ob_end_flush() #2 /home/futbolaw/public_html/wp-includes/class-wp-hook.php(307): wp_ob_end_flush_all('') #3 /home/futbolaw/public_html/wp-includes/class-wp-hook.php(331): WP_Hook->apply_filters('', Array) #4 /home/futbolaw/public_html/wp-includes/plugin.php(474): WP_Hook->do_action(Array) #5 /home/futbolaw/public_html/wp-includes/load.php(1100): do_action('shutdown') #6 [internal function]: shutdown_action_hook() #7 {main} thrown in /home/futbolaw/public_html/wp-content/plugins/comet-cache/src/includes/traits/Ac/ObUtils.php on line 435