RCA cu dedicashon special na comienso luna di “Down Syndrom” victoria di 11-0

RCA “BIG WHEEL LOTTERY powered by POWERADE & KFC” a presenta nan uniform nobo pa weganan como bishitante, cu logo Down Syndrom Foundation riba manga robes. Na mes momento a subi veld cu Athina Fernandez Acosta pa asina hasi un dedicashon special na nos muchanan cu syndromo abou. Esaki a sosode prome cu e partido contra di FCSN ekipo cu ta den sotano. Goleador di Campeonato Steven Melchor a score hatrick pa jega 16 gol den 12 wega. Jeanluc Bergen y Ronald Gomez cada uno a score 2 gol pero e homber grandi di anochi a resulta Kyliam “Toro” Bolivar cu 4 gol.  Asina aki Soldatnan Tricolor ta acumula 33 punto y ta sigi Lider. Proximo compromiso ta “Derby di Capital” diaranson 9 di maart den CDGPT RCA vs RIVER. #RCAPABIDA