Connect with us

AVB

Ronald Gomez ta mira e positivismo den e coachnan di Hulanda

249A4088E seleccion di futbol di Aruba ta bon prepara pa su weganan, asina Ronald Gomez a comparti. Formando parti di e team di Aruba e ta nota esfuerso y dedicacion cu tur miembro a y ta haci pa asina bay bon prepara pa e wega nan dilanti. Gomez ta conta cu e preparacionnan aki a cuminsa un 5 siman atras, prome cu e coach di Hulanda a yega. A ricibi aporte valioso for di Glen Sambo, Maurice Escalona y Giovanni Thode cu a cuminsa e proceso di preparacion na e team di Aruba. Esaki sigur a yuda enormemente, e hugadornan local a uni y a presenta na training, cu nan a tuma hopi na serio. Esaki sin duda tabata un bon comienso pa e seleccion aki. 

249A4105Ronald ta bisa cu na momento cu e Bondscoach Rini Coolen a yega acompaña pa su “assistant coach” Henk Brugge a duna e team e boost di positivismo cu sigur ta conta riba dje. Como hungador esaki ta e di dos biaha cu e ta encontra cu e Coach Coolen y ta mira e aporte grandi cu e ta trece na e team. Ta un momento importante cu esunnan cu ta fungi como staf technico lo pasa door di dje, un trayectoria nobo y di experiencia pa asina acumula y siña mas posibel. Ronald Gomez a bisa por ultimo cu esaki lo hisa e nivel di futbol di nos pais y di cual lo trece e positivismo den e team.

249A4117Alavez Ronald Gomez, kende ta un Trainer/Coach diploma, awor ta mira y compronde e systema cu Rini Coolen ta implementando pa asina por enfrenta e 2 contrincantenan. Su persona ta experencia esaki como hungador pero tambe como entrenador y ta siñando di cada training cu e ta asisti bou di entrenador Rini Coolen. Locual ta yena su persona cu satisfacion y alegria ta e oportunidad cu AVB ta brinda e 3 coachnan ariba menciona, kendenan tambe ta coachnan diploma, pa gana experencia pa un dia nan mes lo ta para na cabez di e seleccion nacional. Esaki ta muestra di un vision di AVB caminda cu ta brinda nos juinan di tera e oportunidad pa crece den nan funcion como Trainer/Coach aki na Aruba.

Click to comment

Leave a Reply

Your email address will not be published. Required fields are marked *

More in AVB

Division Honor