Connect with us

AVB

Seleccion di Aruba ta cla pa enfrenta e ekipo di St. Kitts

249A4112Atardi di entrenamento intensivo a tuma luga durante e siman aki pa asina prepara nos seleccion nacional pa e prome wega cu lo tuma luga diaranson dia 23 di maart na e isla di Antigua. Manera e maneho nobo di Bestuur di AVB pa, unda ta posibel, traha cu nos mes un juinan di tera, a dicidi cu banda di e bondscoach Rini Coolen, nombra 3 assistente arubiano den e staf technico. Un di e tresnan aki ta sr. Maurice Escalona, kende recientemente a logra su diploma TC-3 y actualmente ta entrenador/hungador di SV Bubali. Di e forma aki bestuur di AVB ta brinda e entrenadornan aki e posibilidad pa nan pero hanja experencia for di un entrenador professional. 

249A4107Den un entrevista, Maurice Escalona a bisa cu aunke esaki ta su prome bes como miembro di e staf, ta mas cu un placer di por aporta y brinda su aporte na e seleccion y cu na momento cu a acerk’e pa join e team, el a tuma e reto aki mesora. Como un hungado di futbol e mes ta mira e esfuerso di e hungadonan y ta bisa cu nan ta dunando tur di nan banda y cu nan ta den bon caminda y ta participa na tur training yama y cu e positivismo ta sumamente halto den cada un di nan. E weganan cu lo hunga ta diaranson awor na Antigua contra e ekipo di cas cu ta Antigua and Barbuda y cu na regreso nan lo ta enfrentando e equipo di St. Kitts and Nevis na cas. Wega cu lo tuma luga riba diasabra 26 di maart na Compleho Deportivo Guillermo Prospero Trinidad pa 8or di anochi. Pa finalisa Maurice ta bisa cu tur preparacion a keda cla y Aruba ta riba un bon caminda pa asina bringa duro pa e victoria cu ta locual cu e team ta spera y conta riba dje.

249A4103

 

 

 

 

 

 

 

Click to comment

Leave a Reply

Your email address will not be published. Required fields are marked *

More in AVB

Division Honor