Connect with us

AVB

Rini Coolen satisfecho cu preparacion di e ekipo nacional di futbol Awe nan ta hunga na Antigua

249A4091Bondscoach Rini Coolen a yega Aruba y cu esaki a cuminsa training y e parti selectivo entre e hungadonan pa asina forma e team cu lo representa pais Aruba tanto den exterior como akinan mes den e weganan contra tanto Antigua y Barbuda y St. Kitts and Nevis. E weganan aki di CFU Gold Cup Qualifying 2017 ta tumando luga dia 23 di maart na Antigua y 26 di maart na Aruba.

Coach Rini Coolen a duna di conoce cu e team ta riba curso y cu e seleccion a ser forma, cu na momento cu e hungadonan di Hulanda a yega y a drenta hunto cu esunnan local, tur cos a bay den bon forma. E biaha aki unicamente 4 hungado di Hulanda a yega, lo spera riba 2 hungado mas di Hulanda pa un total di 6 hungado cu lo forma parti di e seleccion di e total di 20 hungador.

Bondscoach di Aruba: Nos ta bon prepara!

Esaki ta algo cu AVB sigur ta duna sosten na dje pa asina brinda e confiansa na e hungadonan di nos isla pa asina resalta y haya e experiencia necesario den weganan den exterior. Esaki meramente ta basa ariba e vision nobo di AVB pa brinda nos hendenan e oportunidad pa un dia haci e tipo di trabounan aki.

249A4109E ekipo di Aruba ta den training y ta ricibiendo consehonan importante tanto den e parti fisico como den esun mental y tactico. Evaluacion y analisisnan den material di video pa cu wega y hungadonan a ser teni diariamente cu e team. Esaki pa haci mas duidelijk di e preparacionnan y con e team lo bay hunga y enfrenta su oponente den e siguiente 2 weganan.

E animo ta halto, ta sinti cu tur cos ta bayendo bon y lo tin cu warda pa mira e resultado di esaki pero tur cos te cu awor ta riba schema.

Rini Coolen a bisa cu e tempo lo tabata un poco corto pa traha mas riba e parti tactico riba e contrincante, no obstante nan no a lage afo, pero banda di esey a enfoca riba futbol riba tereno como tambe sessionnan informativo y video pa duna mas conocemento posibel na e hungadonan pa prepara nan riba e nivel tactico.

Importante ta cu e hungadonan ricibi tur informacion necesario pa no wordo sorprendi riba hugada cu nan no lo sa na momento cu e contrincante perde bala of na momento cu nan lo ta den posicion di e bala. Rini ta bisa na final cu eynan ta caminda nan consentracion ta awor akinan y cu algun training adicional lo bin pero cu nos ta riba schema y seleccion ta bay bon prepara.

Click to comment

Leave a Reply

Your email address will not be published. Required fields are marked *

More in AVB

Division Honor