Connect with us

AVB

FIFA yudando AVB pa yega na miho maneho financiero

249A9422Anthony Croes di Plus Accountant tin un trayecto di no menos cu 25 aña caba controlando bukinan di companianan grandi y esunnan menos grandi na Hulanda y na Aruba. Desde aña 2014, como cu Arubaanse Voetbal Bond mester cumpli cu exigencianan di FIFA, pa entrega un “Audited Statement” pa cual a haci uzo di e experticio di Plus Accountant.

Entretanto a cuminsa cu ceramento di e bukinan di aña 2014 y awor ta finalisando caba esunnan di aña 2015, cu lo bay na e instancianan di subsidio di Aruba pero tambe mester bay pa FIFA, cu ta un di e sostenedonan grandi di AVB, e organisacion cu ta organisa y supervisa futbol riba nos isla.

249A9435Den fin di siman, un representante di FIFA tabata na Aruba pa topa cu e Presidente di e Comision Financiero di AVB y Plus Accountant, cu ta e compania independiente di accountant di AVB, pa hunto repasa e exigencianan y kico e federacionnan mester haci internamente pa por cumpli cu tur e rekisitonan aproba dor di FIFA na nivel mundial na Februari 2016. Claro cu e desaroyo aki ta masha positivo, yudando no solamente AVB, pero henter e mundo di futbol den su totalidad.

“Si bo wak henter e proceso di Good Governance, un parti di dje ta e parti financiero. E tipo di trainingnan asina ta masha importante, pasobra for di historia di futbol semper a enfoca riba aspectonan tecnico di e wega anto e parti financiero no ta haya atencion mes. Expertonan asina ta duna training na tur esunnan cu mester aporta na e plan strategico financiero ta hopi bon. Sin e coaching aki, lo dura mucho mas largo pa AVB por logra yega unda mester yega”, asina Anthony Croes a duna di conoce.

249A9409A scoge pa Plus Accountant tambe ta presente pa asina hunto cu FIFA yuda AVB mehora su “Financiele Administratie” mas ainda. Manera cu nos sa, FIFA kier mira e federacionnan funciona mas profesional y pa nan cambia e forma tradicional cu tur hende conoce.

A funda Arubaanse Voetbal Bond na aña 1932 y a afilia na CONCACAF na aña 1986 y despues na FIFA na aña 1988. E ta e organisacion cu ta maneha futbol amateur y profesional riba nos isla, incluyendo e muchanan, hoben, hende muhe y adultonan. E ta responsabel pa sanciona e refereenan y e torneonan di futbol organisa pa mayoria liga. Nan oficina principal ta situa den Compleho Deportivo Frans Figaroa na Noord.

Click to comment

Leave a Reply

Your email address will not be published. Required fields are marked *

More in AVB

Division Honor