Connect with us

AVB

AVB y FIFA a presenta training special pa refereenan

MES_3351 (Copy)Recientemente a tuma luga na Aruba un asina yama RAP (Referee Assistant Program) training pa refereenan di Aruba. E curso ta wordo ofreci pa FIFA un biaha pa aña den cooperacion cu Arubaanse Voetbal Bond, AVB. E “follow up” ta sigui durante henter aña entre AVB y FIFA, unda cu AVB ta  provee mensualmente reportahe di desaroyo di cada referee registra na e instructornan di FIFA. Na su turno e instructor ta duna feedback na CONCACAF pa e organisacion tin un bon referencia di refereenan di Aruba cu nan lo por invita pa husga weganan na otro pais.
MES_3335 (Copy)Dave Miekle, instructor pa FIFA, a repasa tur topico di interes general y profesional hunto cu e refereenan di Aruba. E curso, cu tin un duracion di cinco dia, a encera tanto trabao den “klas”, como training practico riba veld. Miekle, kende a duna e curso aki na Aruba pa di tres biaha, ta splica cu e meta ta pa yuda e refereenan funciona riba un nivel mas halto y mantene na altura di tur cambio y adaptacion di leynan di wega.

Eugene Farro, kende ta FIFA Assistant Referee na Aruba, a splica cu e curso tabata intensivo y a repasa entre otro e preparacion di un referee prome cu e subi veld, kico e ta haci despues di wega, con pa train, y tecnica di bandera. Esaki tabata e di cuater biaha cu Farro ta participa na un RAP organisa pa FIFA. Ademas, el a participa na un curso RAP organisa pa CONCACAF na Miami na februari 2016.

Ta miho prepara pa nos “playoff” nacional

MES_3322 (Copy)Actualmente tin cuater FIFA Referee na Aruba, Dave Miekle a agrega y Aruba tin potencial pa produci “top class match officials”. El a splica cu anteriormente Ebby Paesch tabata un “international assistant referee”, kende a traha durante di diferente competencia di CONCACAF y e ta spera cu e trend di produci referee internacional por sigui. E 4 FIFA Refereenan di Aruba ta Rickangel de Leca, kende ta un Referee mientras cu nos tin 3 FIFA Assistant Referee, Jason Cola, Jade Salamatin y Eugene Farro.

Dave Miekle a bisa cu e curso ta hopi dinamico y ta encera hopi discusion di wega y analisis di grabacionnan di situacionnan controversial cu ta tuma luga durante wega. E refereenan ta siña con interpreta e situacionnan aki corecto pa medio di aplicacion di reglanan di e wega.

MES_3363 (Copy)President di AVB, Richard Dijkhoff ta contento cu e interes di nos refereenan pa sigui crece y desaroya, dor di participa na cursonan ofrece door di FIFA. A pidi pa e curso aki tuma luga hustamente awo, prome cu e playoff local cuminsa pa asina e refereenan ta miho prepara, el a splica. AVB ta hopi contento cu e sacrificio cu e refereenan a haci, cu nan a inverti nan tempo y esfuersonan den nan desaroyo como profesional.

A funda Arubaanse Voetbal Bond na aña 1932 y a afilia na CONCACAF na aña 1986 y despues na FIFA na aña 1988. E ta e organisacion cu ta maneha futbol amateur y profesional riba nos isla, incluyendo e muchanan, hoben, hende muhe y adultonan. E ta responsabel pa sanciona e refereenan y e torneonan di futbol organisa pa mayoria liga. Nan oficina ta situa den Compleho Deportivo Frans Figaroa na Noord.

Click to comment

Leave a Reply

Your email address will not be published. Required fields are marked *

More in AVB