Connect with us

AVB

Britannia, RCA, Dakota y Nacional/Washington lo lucha pa e trofeo di campeon

 

Diasabra awor “Playoff 2015-2016” ta start den Stadion Guillermo Trinidad

MES_2875 (Copy)E cuater ekiponan di futbol cu lo bataya cu otro pa e trofeo di campeon di nos futbol division di honor ta conoci. Nan ta Britannia, RCA, Dakota y Nacional/Washington. E playoff lo inicia diasabra 14 di mei venidero cu un “double header” den stadion Guillermo Prospero Trinidad na Dakota. E siman aki ainda Arubaanse Voetbal Bond lo reuni cu e 4 ekiponan pa presenta e schedule di wega, pa por duna inicio na e temporada mas gusta pa tur hende, esta e “playoff” di futbol di Aruba. Mirando cu a caba di hunga algun wega internacional, tin tur confiansa cu publico lo sa di respalda nos hungadonan di cada un di e 4 ekiponan aki.

Arubaanse Voetbal Bond ta invita publico pa sostene nos ekiponan di futbol local

Den e penultimo wega di campeonato regular, e ekipo di Caravel y Estrella a topa otro. Mientras cu Estrella ta termina na di 7 luga, Caravel lo mester prepara pa hunga playoff di promocion y degradacion. Caravel hunto cu La Fama lo mester midi forsa cu Caiquetio y Sportboys di Division 1 proximamente pa mira cua ta e teamnan cu lo keda den of promove pa Division di Honor den e campeonato venidero 2016-2017.

Diabierna ultimo Bubali a hunga su ultimo wega contra Dakota den cual nan tabatin mester di un victoria y sigura e di 4 luga den playoff. Esaki mientras cu Nacional despues di su victoria riba Riverplate diaranson ultimo mester a sinta warda y mira si Bubali lo gana Dakota. Dakota cu tabata falta 8 hungado regular kier a demostra e publico pakico nan ta e ekipo cu despues di basta aña sin clasifica, ta e ekipo fuerte cu mester tene cuenta cune den e playoff venidero. Pero lamentablemente Bubali a bin perde e wega 4-3 y asina aki Nacional ta bira e di 4 ekipo cu ta clasifica pa playoff 2016.

A funda Arubaanse Voetbal Bond na aña 1932 y a afilia na CONCACAF na aña 1986 y despues na FIFA na aña 1988. E ta e organisacion cu ta maneha futbol amateur y profesional riba nos isla, incluyendo e muchanan, hoben, hende muhe y adultonan. E ta responsabel pa sanciona e refereenan y e torneonan di futbol organisa pa mayoria liga. Nan oficina principal ta situa den Compleho Deportivo Frans Figaroa na Noord.

Click to comment

Leave a Reply

Your email address will not be published. Required fields are marked *

More in AVB

Division Honor