Connect with us

Futbol Aruba

Den un tremendo partido RCA ta gana Britannia 2-1

160518_01-2Diaranzon anochi den Guilermo Prospero Trinidad y dilanti un publico hopi aceptabel, playoff di Aruba su Futbol Division Honor a continua na momento cu Britannia a enfrenta RCA. Un tremendo partido ta locual cu fanaticonan di futbol por a presencia. Den e prome mitar por a presencia algun toke di bala di ambos ekipo cu a pone cu goal a cay pa ambos banda. Santos di RCA a hinca e prome goal pa despues ekipo di Britannia a tabla e partido na momento cu referee a pita un penalty riba un hugada basta fuerte cu a tuma lugar.

160518_03-2Den e di 2 mitar ambos ekipo a lucha duro y na varios oportunidad a haya chens pa hinca goal. Ambos keeper a eherce un trememdo trabao y a evita cu varios goal por a score. Den e ultimo minuutnan prome cu e pitaso final, RCA ta probecha di hinca un bunita goal for di un tiro di skina. E partido a termina 2-1 na fabor di RCA. Goal nan a wordo anota pa Juan Santos (RCA) Luis Estrada (Britannia) y Nathan Lo-A-Nioe (RCA). Awenochi playoff ta continua den stadion na momento cu Dakota enfrenta Nacional / Washington. Alaves ta recorda tur hende cu nan por presencia  e weganan riba canal 100, 307HD of riba www.diariotvaruba.com

 

Click to comment

Leave a Reply

Your email address will not be published. Required fields are marked *

More in Futbol Aruba

Division Honor