Connect with us

AVB

Ekipo campeon di Aruba a gana e campeon di St. Martin

Diasabra ultimo a tuma luga e wega di futbol entre e campeon di Aruba, esta S.V. RCA y e campeon di Sint Martin, esta FC Concordia. E wega principal aki a haya e nomber di “Champions of the X-Change” y a tuma luga pa 9:00pm den Stadion Guillermo P. Trinidad.

alp_2969-customAle Aparicio, cu ta hunga defensa pa S.V. RCA pero alabes ta “capitan” di e ekipo a cataloga e wega riba su mes como hopi bon, tanto den nivel como den resultado, den cual ambos campeon a haya oportunidad pa demostra lo miho di nan. “Tur dos a bin awe nochi pa gana y aunke e wega a cuminsa riba un velocidad basta halto y cu St. Martin a bay dilanti trempan cu hopi smaak di gana, pero nos di RCA a bin di atras y manera un berdadero campeon, nos a sa di gana e wega tambe”, asina e hoben futbolista a bisa cu un orguyo riba su cara.

Mas leu e capitan a admiti cu no ta un secreto cu S.V. RCA a perde algun hungado clave, manera Ronald Gomes, Stephen Rua, Juan Santos y algun otro clave mas, pero toch RCA ta keda RCA. “Nos a agrupa algun hungado nobo procedente di e seccion di Junior y awe nochi nan a cuminsa custuma den e team y gana experencia di awo caba y prepara pa un bon campeonato cu ta den cuminsa”, segun Ale Aparicio a enfatisa.

alp_2967-customLaurent Samer, delantero y capitan di FC Concordia, e ekipo di futbol di St. Martin parti Frances y cu nan base situa na Marigot, a cuminsa bisa cu e resultado di e wega tabata un sorpresa grandi pa nan. E ekipo invita, cu ta existi desde aña 1997, a splica cu e prome gol, no tabata djis un gol, sino tabata un bunita gol den un tremendo hugada. “Pero mi kier extende un aplauso grandi pa e ekipo di Aruba, nan a hunga hopi bon. Pero nos lo kier hunga un biaha mas cu nan den futuro, sin falta”, asina Samer a duna di conoce.

 

Click to comment

Leave a Reply

Your email address will not be published. Required fields are marked *

More in AVB

Division Honor