Connect with us

AVB

AVB kier concientiza comunidad riba e importancia di futbol femenino

dsc_8631-1280x768Campeonato di Arubaanse Voetbal Bond 2016-2017 ta den full swing. Diasabra anochi tabata tin un wega entre SV Britannia Damas y e team di Sint Maarten FC Oualichi. AVB ta bin trahando riba e proyecto aki pa varios luna caba y porfin a concretisa esaki.
Ing. Richard Dijkhoff, presidente di AVB a duna di conoce cu nan tabata tin contacto cu Sint Maarten y nan tabata interesa pa bin haci un wega di exibicion/fogeo na Aruba. Mirando cu ta hibando un campaña pa futbol femenino, esaki a pas precies cu loke AVB ta haciendo y kier haci pa futbol femino.Siman pasa AVB a haya confirmacion di Sint Maarten cu nan lo tabata viahando pa Aruba y esaki a trece un reto grandi cu ne pasobra AVB a haya un siman pa regla e wega y a haya SV Britannia pa hunga un wega tambe. Esey ta e rumbo cu AVB kier pa e futbol femenino na Aruba, ing. Dijkhoff a señala.
Pa hopi aña futbol femenino no a ricibi e atencion cu e merece (a wordo neglisha) y e aña aki a tuma e descion cu esaki lo mester ta diferente. E promer stap den e proceso aki ta concientiza comunidad riba futbol pero tambe futbol femenino.

Ta trahando conhuntamente cu Minister di Deported dr. Alex Schwengle y cu Minister di Enseñanza Michelle Hooyboer Winklaar riba e parti aki. Atencion cu AVB ta duna na e futbol femenino a cuminza cu e stapnan pa bay dilanti.
Den Caribe, futbol masculino tin un gap hopi grandi door cu otro paisnan, manera Mexico, USA, Panama etc. ta hopi avanza y nos no por competi cu nan. Den futbol femenino esaki ta mas facil pa motibo cu e gap no ta grandi. “Si nos cuminza awe, den un lapso di 5 aña, mi ta kere cu Aruba por haci un bon papel den Caribe pa locual ta trata futbol femenino”, e presidente di AVB a indica.

dsc_8614-1280x768Cu e wega aki contra Sint Maarten, ta e prome stap pa por logra hopi mas ariba e tereno aki, el a agrega.
Banda di esaki, Jean Pierre Vingal, Head Coach di e team di SV Britannia Damas a duna di conoce cu e wega aki tabata un tiki inespera. Nan tabata tin un luna pa un luna y mey ta train pa e campeonato regular cu nan tin y a wordo sorpresa cu e peticion.
SV Britannia Damas ta un team cu ta existi basta tempo caba y ta participando den e Campeonato di AVB. Hopi di e hungadornan cu actualmente ta militando den e equipo aki ta hungadornan cu a cuminsa practica futbol for di 9 of 10 aña y nan a keda desaroya nan mes futbolisticamente. Tambe tin algun hungador nobo cu ta bezig ta yuda nan cu nan nivelacion. “Ta un team hopi uni cu ta hungando cu otro pa basta tempo caba”, a señala.

Sra. Alexandra den Ouden ta un di e miembronan di e directiva di Women Soccer Association y tambe coach di e team U-12 di Sint Maarten. Door di un iniciativa pa fomenta futbol cerca hende muher, awendia Sint Maarten tin 5 club di hende muher cu ta participa den e Campeonato na e isla aki.

Nan filosofia ta pa introduci futbol cerca hende muher pa medio di diferente actividad manera clinicanan, camps, y pa mustra nan cu futbol no ta pa hende homber so y pesey a traha diferente division, entre nan U-9, U12, U-18, den Ouden a indica.

Click to comment

Leave a Reply

Your email address will not be published.

More in AVB