Connect with us

Futbol Aruba

Cu Hat-Trick di Juan Reategui Real Koyari ta Golea Sportboys.

Den Stadion Frans Figaroa na Noord a tuma lugar diadomingo 8 di april e wega entre Real Koyari cu ta na di tres lugar riba e tabla di posición contra di
Sportboys cu ta den sotano na di ultimo lugar Division 1 grupo A.
E equipo di Sportboys a hunga cu un total di 8 hungador, tempran di cuminsamento di wega pa ser exacto na di 2′ di wega Juan Reategui #17 riba su camiseta
ta score pa Real Koyari bai ariba 1-0.
Na di 4′ di wega Sergio Reategui #10 riba su camiseta ta logra score pa Real Koyari bai ariba 2-0.
Despues ta Jean Marcelo Dirksz cu #22 ta logra amplia e ventaha na 3-0 na di 17′.
Nathan Alton Borke #80 ta logra score na di 41′ pa asina tuma un ventaha di 4-0.
Cu Real Koyari ariba comodamente 4-0 ta finalisa e prome tempo.
Jean Marcelo Dirksz #22 ta bolbe score pa asina pone su equipo Real Koyari ariba 5-0.
Na di 65′ di wega ta e mes un Juan Reategui ta bolbe deposita e bala den net pa asina Real Koyari bai ariba 6-0.
Den un jugada poco bruto net pafo di e área peligroso Real Koyari ta haja un tiro directo y aki nan ta Juan Reategui ta deposita
e bala fuera di alcance di e keeper di Sportboys pa asina manda su equipo ariba cu e score di 7-0.
Na di 75′ di wega refree Ridderstaat ta dicidi di termina e wega y asina Real Koyari ta golea e equipo di Sportboys 7-0.

 

 

Click to comment

Leave a Reply

Your email address will not be published. Required fields are marked *

More in Futbol Aruba

Division Honor