Connect with us

Futbol Aruba

Estrella ta dal Brazil Jrs 5-1 SUB 20 Junioren.

Diaranson 11 di april a topa otro riba tereno di Estrella na Sta Cruz, Estrella cu actualmente ta na  prome lugar riba e standing contra di Brazil Jrs cu ta na di cuater lugar mester bisa aserca si cu Estrella actualmente tin un total di 4 wega mas hunga cu Brazil Jrs. Den e prome tempo e equipo di cas mandando direccion di biento tabata tin mucho mas dominio di e bala cu su contricante, na di 30′ di wega den un atake dilanti gol di Brazil Jrs den un hugada poco bruto refree Peer Bastians ta fluit un penalty , y aki nan Capitan di Estrella #8 Raul Morales ta score pa Estrella bai ariba 1-0. Den un hugada meimei di tereno Brazil Jrs ta perde e bala y riba un contra atake di Estrella por medio di Trevor Faro #17 riba su camiseta ta lop e bala pase riba e keeper di Brazil Jrs pa score e di dos gol pa Estrella bai ariba 2-0 na di 34′ di wega. E hoben Egbert Tromp #7 ta amplia e ventaha na di 39′ di wega pa Estrella bai ariba 3-0. Faltando 3′ pa final di e prome tempo Khair Kock #15 riba un cruse dilanti gol e bala ta desvia pa bai pega den net pa Estrella bai ariba 4-0.Den e prome 45′ nan di wega e equipo di Estrella a sa di domina e wega y tambe probecha e error nan di Brazil Jrs pa score no menos cu 4 gol pa bai sosiego comodamente dilanti den e marcador.

Den e di dos parti di wega ambos equipo a haci algun cambio y tabata na di 52′ di wega e hoben Trevor Faro #17 ta bolbe score su di dos goldi e anochi pa Estrella bai ariba 5-0. Tabata tin diferente kaarchi geel nan a cai na momento cu wega a bira poco bruto, pero Refree Peer Bastians a sa di domina e hungadornan. Na di 58′ di wega Darwin Smarius #6 di Brazil Jrs a sa di bin score un gol pa corta ventaha na 1-5. Brazil Jrs a pone basta preshon riba e equipo di Estrella pero no por a score mas gol. Final di e wega Estrella ta gana cu e score di 5-1.

Click to comment

Leave a Reply

Your email address will not be published.

More in Futbol Aruba