Connect with us

Division Honor

Antesala di Division di Honor – siman 17

E penultimo siman di e campeonato di e futbol maximo di Aruba lo ta hopi vital pa dicidi ken lo ta lider riba tabla di clasificacion entre Estrella, Dakota y Nacional y hopi importante tambe, ken ta bay bira e di cuarto ekipo pa clasifica pa play-off entre Bubali, Britannia, RCA y River Plate. E derota di Bubali den siman 16 contra Estrella a hasi e bataya pa e puesto codicia ey mas candente ainda, ya cu ta solamente 2 punto ta e diferencia entre e di cuater y di shete luga.

E siman 17 aki mester a cuminsa Diabierna cu e ‘derby di Nort’ entre entre Bubali SC vs SV Deportivo Nacional, pero a wordo posponi debi cu Nacional a clasifica pa semi- final den e torneo di ‘Caribbean Club Shield’ na Republica Dominicana. Awo Nacional tin dos wega den man pa “haal in” na nan regreso na Aruba.

Riba Diasabra SV La Fama lo topa SV Estrella den e prome tanda di e ‘jornada’. Estrella cu 35 punto ta lider di e campeonato cu dos wega so mas pa bay, nan ta practicamente clasifica pa play-off caba pero e ultimo weganan aki ta pa dicidi ta ken ta keda den prome luga hunto cu Dakota y Nacional. La Fama cu 16 punto riba e di ocho luga riba tabla ta bay hunga play-off di promocion-degradacion na final di temporada. E di dos wega di Diasabra lo ta entre SV Dakota y Juventud Tanki Leendert. Dakota cu 35 punto tambe, ta den di dos luga di tabla debi na diferencia di gol, mientras cu Juventud ta destina pa degradacion autimatico cu solamente 1 punto den henter e campeonato.

 

Riba Diadomingo SV Caiquetio lo clash cu SV Britannia. Caiquetio ya no por degrada automaticamente mas pero lo tin cu hunga play-off di promocion-degradacion si, y e weganan aki manera tabata e caso pa nan den e ultimo siman nan, ta hopi importante pa nan preparacion pa asina purba sobrevivi den Division di Honor, nan destino ta den nan mes man. Britannia ta den pleno bataya pa bay play-off, tur punto ta conta pa nan, tur wega ta decisivo di awo te cu final di campeonato regular.

Den e di dos tanda di Diadomingo nos lo por observa y biba e ‘derbi di playa’ entre dos ekipo cu ta den careda pa e di cuarto puesto importante riba e tabla p’asina bay play-off. SV Riverplate cu 24 punto ta dos punto so tras di posicion cuater, y SV RCA cu 25 punto ta hopi cerca di “arebata” Bubali for di play-off. E dos ekiponan meter sali ‘todo por todo’ paso tempo ta cabando, asina ta cu e derbi capitalino tin masha hopi importancia e siman aki, ban wak kiko ta pasa!

 

Click to comment

Leave a Reply

Your email address will not be published. Required fields are marked *

More in Division Honor

Division Honor