Connect with us

Futbol Aruba

RCS ta bons bek pa gana Jong Aruba 4-3

Diabierna 20 di April 2018 a tuma lugar den Compleho Deportivo Franklin Bareño
na Piedra Plat e wega entre Racing Club Savaneta contra di Jong Aruba Division 1 Grupo B.
E equipo di RCS actualmente ta na di 2do lugar riba e standing den grupo B y Jong Aruba ta
ocupa e di 5 lugar riba standing.
E equipo di RCS ta logra habri e marcador tempran na comienso di wega pa ser exacto
na di 3′ di wega pa medio di Gustavo Marchena #10 pa bai ariba 1-0.
Na di 28′ di wega ta e mes un Gustavo Marchena #10 ta logra amplia e score na 2-0.
Julio Parra #10 riba su camiseta ta logra score un gol pa su equipo Jong Aruba pa asina corta
ventaha na 1-2 na di 35′ di wega.
Nos mester bisa den e prome 45′ nan di wega ambos equipo a sa di pone basta preshon, ambos
equipo a haja diferente bon chens pa anota pero no a probecha.

Den e di dos parti di wega e equipo di Jong Aruba a baha rabia y a pone hopi preshon riba
su contricante cu a cai full den defensa y nan a sa di probecha y na di 51′ di wega Juan Cañas # 7
ta logra score un tremendo gol di takonaso cu ta desvia e bala fuera di alcanse di e portero di RCS y ta
empata e wega na 2 gol pa banda.
Jong Aruba ta sigui preshona y na di 56′ di wega ta Juan Cañas #7 ta bolbe score pa bai ariba 3-2.
Despues di esaki e equipo di RCS ta reaciona y ta cuminsa forma algun atake peligroso riba e arco
di Jong Aruba y ta Aldon Goeman #7 riba su camiseta ta logra score e gol di empate na di 65′ di wega
despues cu nan ta haja un tiro liber y ta manda un fusil fuera di alcance di e keeper di Jong Aruba.
Ambos equipo ta sigui preshona y ta e equipo di RCS pa medio di Jean Duniol #2 ta logra score
e gol di victoria pa ser exacto na di 72′ di wega.
E equipo di Jong Aruba ta sigui preshona y na e minuut nan final ta los un tremendo tiro riba
gol di RCS cu casi nan a logra empata e wega.
Score Final RCS ta gana Jong Aruba 4-3.

Click to comment

Leave a Reply

Your email address will not be published. Required fields are marked *

More in Futbol Aruba

Division Honor