Connect with us

Division Damas

Riverplate ta cla pa e playoff final den futbol femenino despues di a gana Dakota cu e score di 9-0.

Diasabra anochi e Campeonato di futbol femenino di Arubaanse Voetbal Bond – AVB a continua riba tereno di Franklyn Bareno na Piedra Plat ora cu e ekiponan di Riverplate y Dakota a topa otro. Pa tanto e ekipo di Dakota y Riverplate nan a hunga nan ultimo partido di e campeonato regular den futbol femenino. Mester bisa cu e ekipo di Riverplate a conoce un tremendo temporada unda nan a bataya y a sa na gana tanto RCA y Britannia cu ta contenedornan fuerte pa e titulo maximo den futbol femenino. Awor nan lo prepara pa e playoff final cu lo inicia despues cu e seleccion nacional di futbol femenino regresa bek Aruba. Pa Dakota e campeonato no a bay manera desea, aunke nan a bataya fuerte contra tur ekipo nan a keda cortico pa e playoff final.

 

Den e partido di diasabra anochi, e ekipo di Riverplate a bin dicidi y demostra bon futbol di toke cu atakenan relampago y a probecha bon di e oportunidadnan di gol cu a crea. E ekipo amariyo tambe a realisa algun atake riba gol pero sin mucho peliger pa e portero di River. Un bes mas e dos hungadornan peligroso den Riverplate tabata Margenine Kock cu a anota 2 gol y sigur tambe Munjeuline Tromp cu a anota un hattrick esta 3 gol. Ambos hungador sigur lo ta esnan cu mester tene bon cuenta cune durante di e playoff final. E otro golnan di Riverplate a bini di Donna Luitjes, Ashley Douglas, Isabelle Netto y G’leen Schwengle.

Keda pendiente pa e playoff final di futbol femenino cu lo conta cu e cuateer ekiponan esta Britannia Damas cu a caba na di prome lugar sigui pa RCA na di dos lugar, Riverplate na di tres lugar y La Fama Damas cu a caba na di cuater lugar.

Click to comment

Leave a Reply

Your email address will not be published. Required fields are marked *

More in Division Damas