Connect with us

Division Uno

Brazil Jrs ta sali brabo den playoff y ta gana RCS den nan prome wega.

Diadomingo 27 di mei 2018 a sigui e playoff 2017/2018 di Aruba su futbol Division uno. Den stadion Frans Figaroa na noord a tuma lugar e wega entre Brazil Jrs contra di RCS. Brazil Jrs mester a topa  United den nan prome wega caminda e dos team nan aki a termina como lider di nan respectivo grupo, United den Grupo A y Brazil Jrs Grupo B , pero pa motibo di problema di coriente na Frans Figaroa e wega a keda cancela. Y e equipo di RCS ta bin di un derota contra di FC Porto di 0-5.

Despues di inicio di e wega e equipo di Brazil Jrs ta logra habri e marcador tempran na di 6′ di wega pa medio di Samson Occean #19 pa bai ariba 1-0.Na di 9′ di wega ta e Capitan di e equipo di Brazil jrs ta logra amplia e score den persona di Owen van der Wijne pa haci e wega 2-0. Despues ta e mes un Owen van der wijne ta bolbe pone un gol mas na su nomber pa ser exacto na di 24′ di wega pa bai ariba 3-0. Faltando 3′ pa bai sosiego e hoben Faustin Michel # 23 ta score pa RCS logra corta ventaha na 1-3.Final di e prome 45′ nan di wega ta termina cu e score di 3-1 pa e equipo di Brazil jrs.

Den e di dos mitad di wega e equipo di RCS a sali brabo pone basta preshon pero no por a score y na di 81′ di wega riba un contra atake di Brazil jrs Brian Dorothal #17 ta logra score pa bai ariba 4-1. Na di 84′ min di wega ta Bryan Agumbero #11 ta logra score un gol pa RCS y asina ta corta ventaha un biaha mas na 2-4. Final di e wega Brazil jrs vs RCS 4-2. E wega a wordo dirigi pa S Granuel y asisti pa R Vanegas y S Mira.

Click to comment

Leave a Reply

Your email address will not be published.

More in Division Uno