Diasabra den e ultimo wega di Bubali pa e temporada 2018/2019 e deportista Maurice Escalona a retira for di futbol Division di Honor.
Sigur un momento emocional pa Maurice ora a yega momento na di 80 minuut pa despedi di su ekipo. Maurice a hunga un total di 32 aña, cuminsando for di chikito na Bubali pa di eynan bay Hulanda y haya mas experiencia riba nivel halto na Hulanda. Unabes bek na Aruba el a milita den diferente ekiponan entro otro RCA, Britannia y Bubali y tambe a forma varios biaha parti nos selecion nacional.
Su famia tabata na banda di veld ta warde y sigur durante tur e añanan tabata su sosten y apoyo. Esaki no lo ta e ultimo cu nos lo tende di Maurice ja cu e ta coach muchanan di U7 na RCA y cu speransa cu den futuro nos lo wak Maurice coach su propio team Bubali.
