Connect with us

Copa Betico

Copa Betico Croes 2021 ta drenta den fase di semi-final

Semi Final Copa Betico Croes 2021, Nacional, RCA, La Fama, Britannia, AVB, Aruba, Futbol
DAVYNE CROES/Futbol Aruba via DAC Image

Despues di varios cancelacion nan Copa Betico Croes version 2021 alfin ta bai reanuda e weekend aki cu e dos candeloso weganan di semi-final.

 

E torneo dedica na Gilberto François “Betico” Croes a cuminsa for di December pasa y debi na un suspension di basta tempo a logra cuminsa di nobo pa despues bolbe wordo suspendi of interumpi na algun ocasion debi na Covid-19 y tambe p’e weganan di qualification pa mundial Qatar 2022.

 

E cuater ekiponan cu a keda na bida den e torneo importante aki ta Nacional, RCA, La Fama y Britannia.

 

Semi-Final Nacional vs RCA:
E prome partido di semifinal lo wordo hunga Diasabra 10 di April pa 6:30 pm ora local na Centro Deportivo Guillermo Trinidad entre e ultimo sub-campeon y campeon di Aruba; Nacional lo midi forsa contra RCA.

 

Nacional cu a clasifica di chiripa pa e fase di knockout despues di a pasa hopi trabou den e fase di grupo na December ultimo, pero den e “knockout stage” a logra haya nan forma, un ekipo cu keto bai ta sin nan estelar Devis Oliveros, den kwart final a gana Riverplate na un manera convincente di 5-0 tras di un “hattrick” di Edward Clarissa y dos gol di Leonardo Pulido.

 

 

RCA cu tabata den bon forma henter e torneo aki na su turno a vapulea Caiquetio di Paradera cu anotacion di 8-0 unda cu Jhon Silva a brilla cu su hattrick, tambe Jean-Luc Bergen y Walter Bennet cada un cu dos gol, ademas di e gol di Ronald Gomez y asina postula nan mes den e semi-final aki.

 

 

Semi-Final La Fama vs Britannia:
E di dos semi-final lo tuma lugar Diadomingo atardi 6:30 pm tambe na CDGT na Dakota. La Fama, e sorpresa di e torneo aki, lo hunga contra Britannia.

 

La Fama a bin ta hungando bon futbol den e torneo aki unda ya nan a elimina Estrella anteriormente, despues a logra gana e ekipo cenicienta FC San Nicolas den kwart final cu anotacion di 2-1, pero nan mester bin di atras pa gana e partido aki den tempo adicional pa medio di un gol agonico di Andre Kelly p’asina evita bai pa tironan penal.

 

 

Britannia tabata den ‘top form’ den e torneo aki bou tutelage di coach Breinburg, den kwart final a derota Jong Aruba cu e anotacion di 10-0 unda tabatin hasta dos hungado cu ‘hatrick’ personal; Francis v/d Linden y David Castro, e otro golnan a wordo comparti pa cuater otro hungadonan.

Click to comment

Leave a Reply

Your email address will not be published. Required fields are marked *

More in Copa Betico