Curso basico di referee a cuminsa

Diabierna 30 di juli AVB a cuminsa cu curso basico di referee, esaki ta pa personanan cu ta interesa pa bira referee, esaki ta importante mirando cu falta referee. Un total di 20 participante a inscribi.

Dos docente di KNVB hunto cu refereenan local lo duna e curso. E curso mes lo ta uno interactivo. Esaki ta despues cu head of referee sra. Monique Ras a bin cu e iniciativa pa hasi cambio den e manera di duna e curso. E curso ta tuma lugar riba diabierna, diasabra y diadomingo durante dos weekend.

Despues cu e participantenan pasa e curso exitosamente nan lo wordo programa den schedule di wega di mucha pa asina gana experencia. Despues di tempo participantenan por sigi curso pa amplia nan conocemento y pasando testnan fisico, nan por bira FIFA referee.