Connect with us

AVB

Loting pa e Copa Betico Croes 2022 ta conoci

Dialuna anochi, na e Technical Center di Arubaanse Voetbalbond, AVB a hasi e loting pa loke ta e Copa Betico Croes 2022. Ya pa 18 anja caba, AVB ta organisa e Copa Betico Croes cu Sportboys ganando e prome edicion na anja 2004.
Presidente di AVB, sr. Randolf Lacle a habri e anochi deseando tur hende un felis dianan di fiesta. Mas cu claro e Copa Betico te ainda lo sigui mientras lo depende den e dianan siguiente kiko lo bay pasa mirando e pandemia di corona y e reglanan stipula. No por bisa nada ainda pa loke ta e atendencia di parti publico y lo hasi esaki den curso di otro siman.
Riba e prome siman cuminsando 6 di januari 2022, lo tin dos wega pa dia esaki den stadion di Frans Figaroa na Noord y stadion di Guillermo Trinidad na Dakota.
E loting a bay como lo siguiente:
Diahuebs 6 di januari 2022 pa 8or
Caiquetio vs Britannia – CDFF
Riverplate vs La Fama – CDGT
Diabierna 7 di januari 2022 pa 8or
Estudiantes vs Santa Fe – CDFF
Fc San Nicolas vs RCA – CDGT
Diasabra 8 di januari 2022 pa 8or
Caravel vs Unistars – CDFF
Bubali vs Nacional – CDGT
Diadomingo 9 di januari 2022 pa 8or
Dakota vs Estrella – CDGT
United vs CDRA – CDFF
Click to comment

Leave a Reply

Your email address will not be published.

More in AVB