Sporting ta elimina Caravel pa medio di penalty

Diasabra anochi e prome sorpresa a cay den e Copa Betico Croes 2022 ora cu Sporting ta elimina Caravel. Un wega cu Caravel a domina gran parti pero no por a haya e golnan pa logra e victoria. Na final e wega a keda empata mientras cu den e tironan di penalty pa defini un ganador, Sporting a domina a nervio mihor.

Prome tempo
Un Caravel mucho mas den atake tocando e bala bon rond y hayando otro bon padilanti e gol defendi pa Champ Albertus. Caravel tabata falta e acabada y esey na varios ocasion. Di otro banda Sporting tabata hunga e e bala largo buscanso e delantero Dwight Williams cu tabata fastioso pa e linea di defensa comanda pa Ezra Bosnie. Faltando un binti minuut prome cu halftime, e wega a bira uno bon e emocionante. Na di 24 minuut, Sporting ta haya un tiro liber serca di e area penal y aki e alero Kevin Peña ta ehecuta bon y cu un misil cu su pia robez, e ta bati portero di Caravel pa e 1 – 0. Ni cuater minuut, Sporting ta amplia e marcador despues un bruhacion den e defensa di Caravel unda Dwight Williams a stroba e defensa central di Caravel cu ta perde e bala y aki un Dwayne Raven atento ta pasa piki esaki y bay su so riba gol unda cu un tiro lastra e ta bati portero … pa e 2 – 0. Net prome cu halftime, Caravel ta corta ventaha mesora ora cu den un tiro liber, e defensor Ezra Bosnie ta coloca e bala den skina robez unda portero Champ Albertus no por a hasi nada y para wak esaki drenta pa e 2 – 1. Mester bisa cu Sporting a hunga sabi cu pasenshi y warda riba e momento oportuno y a probecha di anota dos gol pa mantene e ventaha.

Dos tempo
Den e di dos tempo ambos ekipo a sli na ataka e gol di otro hayando e oportunidad pa anota. Caravel un tiki mas den atake principalmente via e linea pero sin mucho exito. E bala nan no tabata yega e destino manera e mester ta. A purba cu algun tiro di leu pero esaki nan tambe tabata desvia. Di otro banda Dwight y Kevin tabata algun rato peligroso dilanti di e gol di Caravel pero e ayudo no tabata bini di nan linea di bolante cu Dwayne rato rato den atake ta yuda. Na di 67 minuut, Caravel ta empata pa medio di un tiro liber ehecuta pa e subsituto Joel Geerman cu via un lomba di e defensa di Sporting, e bala ta desvia y bay den gol, esaki fuera di e alcanse di portero Champ Albertus. Despues di e empate ambos ekipo a purba tur forma di anota e gol di bay ariba pero simplemente esaki no kier e drenta. Na ultimo por a nota e cansancio serca ambos ekipo cu a duna tur cu tin pero sin exito di gol.

A bay over na e tironan di penalty pa defini un ganador y aki Sporting a domina e nervio mihor anotando tur nan penaltynan mientras cu Caravel a hera dos penalty y ta perde e serie 4 – 3.

Awe diadomingo e weganan di Copa Betico 2022 lo continua cu dos weg ambos pa 8or unda den stadion Guillermo na Dakota nos lo haya Dakota vs Estrella(wega via livestream riba e pagina di AVB) mientras den stadion di Frans Figaroa na Noord nos lo haya Centro Deportivo Rooi Afo lo midi forza contra di United.