Connect with us

Copa Betico Croes

SC United ta gana Rooi Afo pa penalty y ta avansa den Copa Betico Croes 2022

Cayman nan di Rooi Afo no a logra un otro sorpresa den Copa Betico Croes y ta perde pa medio di penalty contra di United cu ta pasa door di e wowo di hangua. Un partido sigur hopi fisico loke nos por a mira diadomingo anochi den stadion di Frans Figaroa na Noord entre United y Rooi Afo. Un wega duro cu hopi pushamento y hugadanan laat cu a causa hopi infraccion y wega para constantemente.
Prome tempo
Un prome tempo hopi pareu cu United tocando e bala bon pero Rooi Afo como esnan mas peligroso den nan hugadanan riba gol. Na 13 minuut, Rooi Afo ta anota e 1 – 0 ora cu den un rebound e delantero Dinho Groot atento ta anota e gol di bay ariba for di serca. E defensanan di United no por a saca a bala for di nan area penal cu tur consecuencia. Ambos ekipo a purba cu e bala largo pero sin resultado, un rato tabata United cu tabata tin e miho di e wega pero despues tabata Rooi Afo cu a domina.
Dos tempo
Den e di dos tempo, United a sali dicidi y a ataka e gol di Rooi Afo formalmente. E delanteronan Lopez y Molinares tabata forza pa logra e gol di empate. Na di 57 minuut United merecidamente a logra e empatr ora cu e propio Molinares ta ta los un misil caminda e bala ta bay pega den net pa e 1 – 1. Despues di e gol Rooi Afo a sali for di defensa y a cuminsa presiona bek pero sin resultado di gol. Mas e wega yega su final e ritmo y velocidad di wega a baha y aki e cansancio tabata bisto serca ambos ekipo. Na di 90min, referee Farro mester a saca carchi cora pa e hungador Tello di Rooi Afo. Mucho mas no a pasa den e wega y a bay over na e penalty nan.
Penalty
Aki den un tiro di penal cu hopi tension y emocion e ekipo di United a domina e nervio miho y ta gana esaki 6 – 5. Rooi Afo a haya e oportunidad di gana pero Elton Ignacio su tiro duro ta dal bou di e lata di e gol. United ta pasa pa e siguiente buelta mientras nan contrincante lo ta conoci den e dianan aki.
Click to comment

Leave a Reply

Your email address will not be published.

More in Copa Betico Croes