Connect with us

AVB

RCA ta gana La Fama 1 – 0 pa un three-peat di Copa Betico Croes

Diamars bou di un interes grandisimo, RCA y La Fama a enfrenta otro den e gran final di Copa Croes 2022. Un wega caminda cu RCA tabata e faboritonan pa e titulo pero a mira den La Fama un contricante cu batayador manera nan a demostra henter e Copa Betico aki. Nos artista local Rocco Franken a canta e tono glorioso Aruba Dushi Tera prome cu e inicio di e partido final

Den e wega di final den e prome tempo RCA a comanda e wega pero no por a crea e peliger real pa portero Bautista. RCA su wega a concentra completo riba nan banda drechi cu Jacobs y Lopes cu mester a crea e hugadanan di peliger. Masha poco a purba banda robes cu defensor Simmons cu tabata subi hopi pa crea e atake. La Fama encambio tabata laga RCA toka e bala rond y no permiti nan yega serca di e area penal. Aki La Fama tabata defende sera y no duna mucho espacio pa e delanteria di RCA. La Fama a purba ataka cu su counternan lihe usando Maca y Schwengle pa asisti Kaarsban pero no por a sorprende portero Abdul. RCA a haya dos oportunidad ambos tabata tironan di leu di Jean Luc Bergen pero portero Bautista a luci sacando tur dos.

Dos tempo
Den e di dos nos por a mira un La Fama diferente y mucho mas agresivo tumando e iniciativa pa arma. RCA encambio a keda mas na e posicion di bala pero den atake no tabata creativo pa sorpende Bautista. E tricolornan tabata tin problema cu e linea defensivo di cino hende di La Fama. Na di 57 minuut RCA ta habri e marcador pa medio di Juan Villaraga cu a caba di drenta como substituto y tabata apenas dos minuut den wega. Aki Juan ta ricibi un paso y ta tira duro net na rand di e area penal pa bati portero Bautista cu un tiro lastra den skina robez pa e 1 – 0. Despues di e gol, La Fama a sali bay mas den atake buscando e empate. Dado momento nan ta hera empata e partido ora cu e defensor Laurens ta avansa bon den un hugada individual y ta kita tres hungador pero su tiro final tabata den man di portero Abdul. La Fama a sigui purba y a haya dos a tres bon chens mirando cu RCA a sak den defensa pero e acabada nan padilanti no tabata duna e resultado desea. Mucho mas no a pasa cu RCA logrando un three-peat pa loke ta Copa Betico Croes mientras La Fama at perde naan di dos final di Copa Betico tras di otro.

Por ultimo a parti e premionan na e respectivo dos ekiponan den presencia di Minister di Deporte, Sr. Endy Croes.

Click to comment

Leave a Reply

Your email address will not be published.

More in AVB