Connect with us

AVB

AVB ta consistente ora di tuma decision?

Nos a haya hopi reacion over kiko alfinal ta bai pasa cu e weganan despues di e blackout cu a tuma lugar diasabra ultimo.

Futbol Aruba como media di futbol educativo a buska mas information pa asina informa nos siguidornan.

Regla segun RCW Reglament Competitie Wedstrijden Articulo 4.4 ta bisa lo Siguinte:
4)  Een niet uitgespeelde wedstrijd wordt in zijn geheel opnieuw vastgesteld tenzij het Bestuur beslist dat de stand op het moment van staken als einduitslag geldt.


Abase di e regla aki directiva di AVB a tuma decision cu e wega nan Nacional vs Dakota y Bubali vs Sporting lo mester wordo hunga ful di nobo.

Futbol Aruba a buska mas informacion di decisionan den pasado riba caso nan similar, y nos a bin encontra cu na 2019 wega entre La Fama vs Brazil Jrs a wordo suspendi na minuut 47 debi na blackout cu La Fama ganando e 1 – 0.  Na 2019 Directiva di AVB a tuma e decision cu e resultado di wega aki lo keda mesun cos y wordo conta oficial. Adhunto boso por mira e bijlage di decision di Directiva di AVB na 2019.


Loke ta hasie e caso aki interesante cu Brazil Jrs e tempo no a keda contento cu e decision di AVB y a bai beroep contra decision di AVB. Adhunto por mira bijlage di beroep entrega pa Brazil Jrs na 2019.


Beroep comisie na 2019 a bai di acuerdo (Ractifica) cu decision di directiva di AVB pa laga e wega termina 1-0 na fabor di La Fama.

Futbol Aruba sa cu ora decision nan wordo tuma pa beroep commisie esaki “bindend” y esaki ta poni den reglamento di AVB.

Loke ta soprende cu awe na 2022 nos ta den mesun situation y AVB ta scohe pa cambia su decision di 2019 y pasa riba decision di beroep cu ta “bindend”, mas aun na 2019 tawata 4 miembro di e directiva actual cu a forma parti di e decision di AVB.

Pregunta pakiko cambia e decision? 
Wega di Nacional vs Dakota tawata 1-1 na 81 minuut di dos tempo y Bubali vs Sporting 1-3 80 minuut di dos tempo na fabor di Sporting.

Cu e desicion aki AVB ta creando controversia y fomenta duda den nos systema di futbol door di no ta consistente ora di tuma decision.

Futbol Aruba a compronde cu na 2019 e resaltado La Fama vs Brazil Jrs no tawata tin influencia ariba e campeonato mientras diasabra ultimo tampoco tin influencia riba e campeonato mirando falta ainda siman 8 y 9 di campeonato caminda tur team nan cu ta bringando pa drenta “Calle 6” tin mesun chens.

Futbol Aruba lo bai sigui desaroyo di cerka y lo informa nos siguidornan.

Click to comment

Leave a Reply

Your email address will not be published.

More in AVB