Connect with us

Division Honor

RCA campion Copa Don Elias Mansur

RCA (5)-2Diadomingo atardi den un stadion jen di ambiente y tribune repleto di fanatico DAKOTA Dames ta derota RCA Dames 1-0 pa e Copa Amistad Don Elias Mansur. Despues a sigi e gran final unda RCA “BIG WHEEL LOTTERY” powered by POWERADE ta derota CARAVEL POWERADE 5-1. Un evento cu mas di 3mil hende a bishita durante 8 anochi y unda e miho ekiponan di Aruba a bataya. Sigur e revelashon tawata ekipo di Angochi  Caravel un ekipo super bon balansa cu e temporada aki lo bataya fuerte, el a logra elimina Estrella den semi final y a gana RCA, Brazil jrs y Riverplate den e torneo.

Dakota tambe tawata monstroso ganando di Bubali, La Fama y Estrella pero RCA tawata mucho fuerte pe Abejanan den semi final. Diadomingo atardi a habri cu e torneo infantil unda Deportivo RCA tawata “heer en meester”. Na final di anochi miembro di Honor Sr John Merryweather a entrega Dakota Dames su trofeo, Bisanieta di Don Elias Mansur Srta Tara Mansur a entrega Caravel su trofeo di 2do lugar y legendario tricolor alaves miembro di honor Sr Edwin Dirksz a entrega e Campeon su trofeo. Un gran ekipo tricolor bou guia di Veron Albertsz cu a demostra profundidad y masha hopi talento hubenil durante e torneo. Steven Melchor a score dos biaha, Kylliam Toro, Juan Santos y Lujean Bergen ta score den final pa RCA gana Caravel 5-1. Un danki na tur refrees, tur voluntario cu a contribui particularnente Sra Irene Dake, Team Films, Comishon Dames RCA, Prensa y BALASHI Beer. Direktiva RCA di awor caba ta anuncia cu 2016 lo bira gigante pa celebra 50 anja cu RCA a trece e promer Copa Antiyano Aruba y 30 anja cu RCA a titula promer Campeon Pais Aruba.

More in Division Honor