Connect with us

Division Honor

Britannia ta gana La Fama 2-0

47bda86a7e6d8f797195bdec27adf515Diasabra atardi den CD Guillermo Trinidad tabata tin continuacion di campeonato di AVB ora cu Sv Britannia Total Finance a enfrenta e speransa berdenan di Savaneta esta La Fama. Nos por a tuma nota cu La Fama a presenta cu un team relativamente jong pa enfrenta Sv Britannia Total Finance. Di otro banda Sv Britannia Total Finance si a presenta practicamente cu ful su equipo faltando Luis “Coco” Estrada, Danny Mozo, Sebastian Montoya Cano y Theric Ruiz. E wega a cuminsa basta bon balansa pero no a tarda mucho cu Sv Britannia Total Finance a cuminsa domina e wega y tabata hopi peligroso dilanti e gol di La Fama pero sin cu e muchanan di Paradera/Piedra Plat por a score. Di e forma aki tambe halftime a bai aden lamoenchi lamoenchi. Den di dos tempo Sv Britannia Total Finance a sigi cu su dominio di wega y La Fama defendiendo cu alma y cuerpo.Pero tabata Renier Paraez den area chika ta kita dos hungador for di su 8e854d38483d04226983bfebb675db3acurpa y ta fusila e keeper di La Fama pa pone su equipo ariba meresidamente 1-0. Na di 65 minut di
wega por a ripara cu La Fama su gasoline a cuminsa caba y e dominio di Sv Britannia tabata mucho mas vesibel. Ta na di 75 minut di wega cu ta Marvin Hous cu cabesaso entiligente ta manda su equipo 2-0 ariba y ta caba cu tur speransa di La Fama Garcia Contractor. Faltando un minut pa wega caba ta George Tromp di La Fama cu diripiente ta hañe su so dilanti e portero di Sv Britannia Total Finance Adrian pero ta Miguel Gutierrez cu ta hinca pia y trese salbacion pa Sv Britannia. Asina tambe e wega ta bin caba cu score di 2-0 cua
l tabata un victoria meresi pa Sv Britannia. Cu e resultado aki Sv Britannia ta mentene e status di invicto cu 15 Punto 5 wega hunga. Un pabien na e hungadornan, staf y fanatica di Sv Britannia Total Finance cu otro victoria y tambe na La Fama cu a lucha duro cu un equipo hoben.

Click to comment

Leave a Reply

Your email address will not be published. Required fields are marked *

More in Division Honor