Connect with us

Division Honor

RCA Campeon Copa Betico Croes 2015/2016

160125_01

Eugene Farro, Johnatan Ruiz, Ricky de Leca, Ronald Staring, Roman Aparicio y Jason Colina durante e wega di Britannia vs RCA. Copa Betico Croes Final. Januari 25, 2016 (© DAC Image)

E prome minuut nan di wega nos por a ripara cu e wega aki lo por bira un interesante unda den e minuut nan inicial wega tabata basta balansa. Na di 11m. nos por a wak e prome tiro riba gol di parti di RCA unda Eric Santos ta los un tiro y esaki ta dal den defensa bai corner. Via e corner aki RCA ta score pero e gol aki ta wordo bon anula ( momento de kop, spits di RCA ta ocaciona un foul ). Despues di e hungada aki RCA a cuminsa domina e wega poco poco y laga Britannia completamente riba nan terreno y sin chens di Sali. Den e 14m. e segundo tiro riba gol di RCA a jega via Ronald Gomez, pero no a dura ni un minuut cu RCA ta score. Na di 15m. un fout tremendo den defensa di Britannia unda Eric Santos ta bai su so direccion di keeper di

RCA celebrando e gol di Erik Santos durante e wega di Britannia vs RCA. Copa Betico Croes Final. Januari 25, 2016 (© DAC Image)

RCA celebrando e gol di Erik Santos durante e wega di Britannia vs RCA. Copa Betico Croes Final. Januari 25, 2016 (© DAC Image)

Britannia los un bunita tiro y laga keeper sin chens pa pone RCA 1-0. Despues di e gol aki por e ripara cu Britannia a bai todo por todo pa empata e wega y kasi a logra esaki na di 20m. via John Lugay cu un bunita tiro cu a pasa basta serka di gol. Asina wega a habri un tiki mas y RCA probecha di esaki unda den dos ocacion por amplia e score via dos bunita tiro di Eric Santos (27m.) y Steven Rua (30m.). Na di 32m. Jean-Luc Bergen no ta duda niun momento pa los un tiro fenomenal ( ongeveer 30 meter ) cu ta drenta bunita asina den skina ariba cua keeper no por a hasi nada y RCA ta bai ariba 2-0. RCA a keda pone precion riba Britannia y hanja 3 chens clarisimo pa score via Ronald Gomez 2x y Eric Santos. Asina ki halftime ta bai aden 2-0 pa RCA.

 

160125_05

Derwin Donato (BRI) y Roman “Ale” Aparicio (RCA) den un duel durante e wega di Britannia vs RCA. Copa Betico Croes Final. Januari 25, 2016 (© DAC Image)

Di dos tempo Britannia ta hasi 2 cambio pa asina pone mas druk den RCA su defensa cu por sierto bow di nan capitan Roman “Ale” Aparicio un tremendo trabow a wordo hasi. Por a ripara si cu Britannia tabata tin un leve dominio di wega pero RCA tabata defende hopi bon. Pero den 68m. un counter velos di RCA unda Ronald Gomez cu un bunita actie individual ta los un bunita tiro pa manda RCA 3-0. Por duna un compliment na team di Britannia cu aunque nan tambata perdi nan a keda hunga y busca e gol tan ansia. Den un atake di Britannia e defensa di RCA ta ocaciona un foul na rand di e doelgebied. Esaki a wordo tuma magistralmente door di Sebastian Cano y pone e wega 1-3. Aki e gol a duna Britannia poder y pone RCA bai atras riba nan tereno. Na di 79m. hungador di RCA ta hanja su di 2 carchi geel y mester abandona veld, aki Britannia a keda preciona RCA pero atrobe RCA a defende hopi bon mes. Asina ki wega ta kaba 3-1 pa RCA y titula Campeon di Copa Betico Croes 2016.

160125_06

RCA celebrando cu e copa di campeon durante e wega di Britannia vs RCA. Copa Betico Croes Final. Januari 25, 2016 (© DAC Image)

160125_07

Ekipo di RCA hunto cu staff tecnico celebrando nan victoria durante e wega di Britannia vs RCA. Copa Betico Croes Final. Januari 25, 2016 (© DAC Image)

Click to comment

Leave a Reply

Your email address will not be published. Required fields are marked *

More in Division Honor