Connect with us

Club

Sv Britannia Bright Bakery/Gatorade ta gana Ind. Caravel 5-1

Brit vs Caravel IDiaranson anochi den Compleho Deportivo Guillermo P. Trinidad na Dakota tabata tin continuacion di campeonato di AVB ora cu e Pumanan di Piedra Plat esta Sv Britannia Frisian Flag a topa cu e Piratanan di Angochi esta Ind. Caravel. E aliñacion di Sv Britannia Pizza Hut tabata como lo siquiente; Kendrick Dania, Theric Ruiz, Carl Geerman, Luis Murillo, Pierre Estieverne, Carlos Caro, Johnatan Ruiz, Renier Paraez, Margin Kock, John Lugay y Sebastian Montoya.

Ariba banki tabata; Adrian Donayres, Danni Mozo, Cristian Navarrio, JC Farro, Luis Estrada, Marvin Hous y Jasley Boekhoudt. E wega ta cuminsa sumamente enteresante ora cu ambos team ta ataka otro en busca di e gol di bai ariba. Ind. Caravel tabata bon para ariba tereno y no solamente tabata defende pero tambe tabata bai den atake continuamente. Tabata na di 17 minut di wega cu Sebastian Montoya ta habri e score ora cu e ta manda su equipo Sv Britannia Sports4all ariba 1-0 y asina tambe halftime ta bai aden cu score di 1-0 pa Sv Britannia Vitamalt.

Brit vs Caravel IIDen di dos tempo Ind. Caravel ta sali mas dicidi y ta empata e wega na un gol pa banda pa medio di Rioman Pallares na di 66 minut. Mientras cu e wega tabata desaroya poco poco Sv Britannia a cuminsa tuma rienda bek di e wega cu algun atake bon cordina. Ta na di 70 minut cu Sebastian Montoya un biaha mas ta anota pa su equipo y ta hasi e wega 2-1 na fabor di Sv Britannia Frisian Flag y no a dura mucho na di 75 minut cu ra Renier Paraez cu ta aumenta e score na 3-1 pa Sv Britannia Total Finance y na di 82 minut Sv Britannia ta haña un pinalty aki ta Sebastian Montoya ta fusila e keeper Jeffrey Werleman pa hasi e wega 4-1. Tabata na di 89 minut cu Sv Britannia Bright Bakery un biaha mas ta huña un pinalty pero e biaha aki Jefrrrey Werleman ta bisa Sebastian Montoya cu ta un biaha bo ta capa e chubato aki. Faltando algun secondo pa wega caba ta Jean Claude Farro ta manda e ultimo clabo den e caha di Caravel pa asina e wega bin caba cu score di 5-1 pa Sv Britannia Sports4all.

Cambionan cu tabata tin ta; Jean Claude Farro a drenta pa Carlos Caro, Brit vs Caravel IIIMarvic Hous pa John Lugay, Luis Estrada pa Renier Paraez y Cristian Navarro pa Johnatan Ruiz. Den e wega aki nos por a aprecia “the return of the dragon” ora cu Marvin Hous ta bin bek ariba tereno despues di un leccion cu a mantene varios luna for di tereno di bala. Cu e victoria aki Sv Britannia Pizza Hut ta acumula 40 punto den 15 wega hunga y faltando 3 wega fuerte mas. Di otro banda Ind. Caravel ta na di pinultimo lugar cu 10 punto den 15 wega hunga. E proximo wega di Ind. Caravel ta contra di Riverplate y Sv Britannia mester enfrenta Bubali diaranson 13 di april proximo.

Click to comment

Leave a Reply

Your email address will not be published. Required fields are marked *

More in Club