Connect with us

Club

SV Dakota a gana SV Nacional cu score di 5-2

13007297_1623461471310254_5071786546787197113_nDiasabra nochi den e Compleho Deportivo Guillermo Prospero Trinidad na Dakota, e ekipo di SV Dakota tabatin un encuentro importante contra SV Nacional. Cu e victoria aki SV Dakota a clasifica automaticamente pa e play-off den semi-final. Sigur ya caba den e prome minuutnan di wega por bisa cu SV Dakota a domina e wega y ya caba na di 30 minuut di e prome tempo tabata dilanti cu e score di 4-0.

Prome cu a pasa pa camerin, ex Minister di Salud y Deporte, Dr. Richard Visser hunto cu mr. Glenn Thode (Rector di Universidad di Aruba) a “Hype-Up” e hungadonan di SV Dakota cu algun palabra di motivacion cu sigur a duna un resultado hopi positivo.

12985486_1623461464643588_2641207840774580199_nPresidente di SV Dakota Harvey Clement a entrega un plakkaat den nomber di henter e organisacion na e hungado Damien Boers y gradiciendo e pa e aña cu e la milita den e ekipo, Boers lo ta saliendo pa Hulanda diasabra awor pa bay biba. Tambe Staf Tecnico encabesa pa Franklin Priest conhuntamente cu David Puriel a duna credito na tur hungado pa e dedicacion y sacrificio durante e prome y di dos buelta y sin laga afo e logro di diasabra anochi, tambe palabranan cu awor e trabou lo sigui cu mas intensidad pa cu play-off.

S.V. Dakota di aki ta cuminsa manda palabranan di invitacion na e bario di Dakota y Tarabana y na tur fiel fanaticonan di Dakota pa yega stadion y apoya e ekipo hoben aki cu ta haciendo un tremendo trabou.

13006610_1623461664643568_4527512617236971975_nE wega a termina cu e score di 5-2 na fabor di Dakota cu golnan anota pa Jesus Peñate, Owen van der Wijne, Nickenson Paul y Fercand Sophia.

Tambe SV Dakota ta gradici na nos Señor Creador pa ilumina y cuida nos hungadonan na cada momento. Tambe ta manda un palabra di gradicimento nan e sponsornan ATCO Concrete Products, Gatorade, Coopers Tires, Island Best Windows & Doors, Manpower 4U y Amast N.V. pa e confiansa deposita den e organisacion. Na tur fanatico keda pendiente pa gadgetnan na caminda pa apoya e ekipo den Play-Off.

SV Dakota ta existi desde aña 1947 caba y durante e su trayectorio a sa di logra conkista e titulo di campeon di futbol division di honor na mas di un ocasion den pasado. Sinembargo, e ultimo biaha cu el a bin cas cu e trofeo tabata na 1995.

E organisacion ta conta cu futbolistanan di tur edad, cuminsando cu Mini baby, Baby, Lifida A, Lifida B, Menor, Mayor, Junioren y Hoofdklas. Na tur ta papia di mas o menos 175 hungado den total. Den e seccion di Hoofdklas, ta conta cu un ekipo practicamente nobo cu 25 hungado, 4 staff tecnico y 4 miembro di directiva.

Click to comment

Leave a Reply

Your email address will not be published. Required fields are marked *

More in Club