Connect with us

Club

Deportivo Pereira di Colombia cu dos compromiso serio na Aruba

13775843_1806093122953697_5165575418659222005_nFor di 3 pa 7 di augustus lo ta na Aruba e team di futbol for di Colombia Deportivo Pereira, kendenan lo midi forsa contra di Sv Britannia reforsa y contra di Sv Dakota tambe reforsa. E prome wega lo tuma lugar dia 4 augustus proximo ora cu Sv Britannia enfrenta Deportivo Pereira. Sv Britannia lo reforsa cu hungadornan di Estrella, La Fama, Nac/Wash, RCA, Brazil Jrs y un hungador for di Venezuela. Sv Britannia ta tuma e wega internacional aki masha na serio y ta train masha duro mes pa enfrenta Deportivo Pereira. E team di Deportivo Pereira ta consisti di hungadornan di U-20 y reforsa cu hungadornan di nan maximo divicion. E 3 goliadornan di Deportivo Pereira tambe lo ta presente akinan na Aruba pa duna e pueblo di Aruba y e colonia Colombiano un espetaculo di futbol. E goliadornan ta; Alvaro Melendez, Kevin Ortiz y Nicolas Ramirez.

E weganan lo tuma lugar den C.D. Guillermo P. Trinidad na Dakota y lo cuminsa pa 8’or di anochi. Dep VTicketnan di entrada lo ta disponibel na Healthy Living Club na Piedra Plat y tambe na Centro di Bario Dakota. Entrada lo ta solamente 10 florin pa entrada y 6 florin pa mucha. Prome cu e weganan lo tin animacion musical Colombiana den tribuna sin dak. Bar y cushina tambe lo ta bon prepara. Pueblo di Aruba y especialmente e colonia Colombiano y Latino ta keda cordialmente invita pa bin presencia e weganan aki 4 & 6 augustus. Di e forma aki Mack’s Exchange / Western Union ta trata di extende e lasonan deportivo y cultural entre Aruba y Colombia. Portanan di Stadion Guillermo P. Trinidad lo ta habri for di trempan pa atende cu e masa di fanatico lo bin presencia e dos weganan importante aki.

Deportivo Pereira Kevin Ortiz Deportivo Pereira Alvaro Melendez

Click to comment

Leave a Reply

Your email address will not be published. Required fields are marked *

More in Club