Connect with us

Division Honor

Aruba ta cla pa clasificacion di Concacaf pa mundial Qatar 2022?

Seleccion di Aruba october 2019
Foto: Hubert de Cuba /Vision Images

Diaranson FIFA y Concacaf tabata tin e sorteo official pa clasificacion di Concacaf pa mundial Qatar 2022.

Ta claro cu nos ta bira contento ora cu e nomber di Aruba resona riba nivel internacional, cu orguyo nos ta cla pa sostene nos isla, pero, ban analisa e prospecto di nos seleccion nacional, pero mas bien den e aspecto logistico

Aruba a cai den grupo B hunto cu Canada, Surinam, Bermuda y Cayman Islands. Cada pais lo hunga cuatro wega, dos na cas y dos afo. Weganan lo wordo hunga den luna october y november 2020.

Schedule:
Diasabra 10 di october Aruba lo enfrenta e seleccion di Suriname na cas. (Curacao)
Diamars 13 di october Aruba lo enfrenta e seleccion di Bermuda afo.

Diaranson 11 di november Aruba lo enfrenta e seleccion di Cayman Islands afo.
Diasabra 14 di november Aruba lo enfrenta e seleccion di Canada na cas. (Curacao)

COVID-19 

Mirando e schedule y teniendo cuenta cu Aruba ta den un situacion serio di COVID-19 y segun protocol general di deporte version 4.1 fecha 6 di augustus 2020 ta bisa cu no ta permite deporte di ekipo/contacto tampoco publico durante training ni evento deportivo. 

Seleccion

Despues di 3 aña di contract, Martin Koopman na februari a despidi di nos seleccion nacional como director tecnico y entrenador. Te cu awe no tin un entrenador tampoco staff apunta pa cu nos seleccion nacional. Pa nos tampoco no ta conoci ken ta e seleccionandonan cu lo representa nos.

Facilidad

Teniendo cuenta cu nos na Aruba ainda no tin un stadion cu ta cumpli cu standard internacional di FIFA. Teniendo cuenta cu nos ta depende di Curacao pa nos usa nan stadion como cas, y no ta sigur si Curacao lo habri porta pa nos pa motibo di COVID-19. Ta pone cu seleccion di Aruba den un posicion hopi difícil. 

Mirando tur esaki nos lo por hunga clasificacion di Concacaf pa mundial Qatar 2022?

 

 

Click to comment

Leave a Reply

Your email address will not be published. Required fields are marked *

More in Division Honor