Den un partido mei mei di siman na stadion GP Trinidad, RCA a vence Sporting den un wega hopi sera, dos ekipo cu conose otro bon a bataya t’e final p’e tres puntanan, un partido cu hopi carchi unda tur tres gol den e wega a cai dinter di 5 minuut net na comienso di segundo tempo. Sporting a bai ariba prome, RCA a bin bek di biaha pa empata y algun minuut despues a haya e gol di victoria pa medio di Jean Claude Farro. RCA a bai cu tur tres punta y a coloca nan mes den e di cuarto puesto riba tabla cu 6 punta, Sporting ta keda den di septimo lugar cu 3 punta. Pa Sporting a sobresali, Jean Marc Antersijn (GK) cu bastante tironan salba, asina a mantene su ekipo den contencion y Camilo Romero pa su desempeño riba cancha. Pa RCA mester duna merito na Jean Pierre Fingal pa su trabou incansable, el a core y el a bataya, y Roan Petronia pa su liderazgo pa cu su companjeronan di ekipo.
Recap
⚽’50 Pedro Fernandez SPO ⚽’51 Juan Rengifo RCA ⚽’55 Jean Claude Farro RCA
🟨’46 Leocadio SPO 🟨’50 Sinestera RCA 🟨’75 Van der Wijne SPO 🟨’77 Rengifo RCA 🟨’80 Cathalina RCA 🟨’82 Hodge SPO 🟨’89 Nedd RCA 🟨’93 Navarro SPO
