E ekipo rank number tres den Concacaf no tabatin dificultad p’a bai c’e victoria apesar cu halftime a bai aden 1-1
–
Aruba a logra wanta un gran cantidad di atakenan di e oncena Canadees y a hasta empata e wega na un gol y a logra want’e te cu halftime.
Canada a bai ariba prome na minuut 15, gol di e hungador Van Parker, el a penetra y shuif e bala na banda robes di e portero Ashton Cathalina. Aruba 0-1 Canada.
Mas dominio di Canada ta sigi pero nan no ta logra concretisa y den un momento unda Canada a hasi un pifia grandi den e linea defensivo, Jermaine Carty di Aruba ta p’one e bala den net p’e empate, un p’ase di portero Cathalina mes den un fast-break unda Carty ta penetra facil y deposita e bala den net mei mei. Un gol cu a shock Canada unda nan a perde nan “mojo” y no por a anota mas tampoco te ora nan a bin bek fei descanso. Aruba 1 – 1 Canada.
Den di dos tempo si Canada a bin bek furioso, nan a haci dos cambio clave cu a duna nan e “sparkplug” nobo y necesario pa nan wega di atake. Nan di dos gol di e wega y esun di bentaha a yega na minuut 46 caba, e mesun hungador, Liam Torres, cu a caba di drenta net un minuut prome. Gol di cabes, un assist di Edwin Omergegbe. Bentaha di 2-1 pa Canada.
E siguiente gol di e Canadees nan a yega te na minuut 65. Gol di Quinton Belfon, assist di Raphael Pascal. 3-1 pa Canada.
Na minuut 68, ta Liam Torres un biaha mas ta anota pa Canada, assist di Quinton Belfon. E gol a drenta foi den area penal mes. Aruba 1-4 Canada.
E ultimo gol di Canada a yega na minuut 90+4 pa medio di Eloy Breton, cu su pia robes foi di den area penal. Aruba 1-5 Canada.
Esey tabata e score final tambe, Aruba 1 Canada 5.
Diaranson benidero Aruba lo hunga nan ultimo partido den e eliminatorio aki contra Cayman Islands cu awe a perde 0-12 contra di Jamaica.
–
Recap:
–
⚽15′ Van Parker CAN ⚽’23 Jermaine Carty ARU ⚽46′ Liam Torres CAN ⚽65′ Quinton Belfon CAN ⚽’60 Liam Torres CAN ⚽94′ Eloy Breton CAN
🟨43′ Bergtop ARU 🟨43′ Kapor CAN 🟨54′ Boasman ARU 🟨80′ Nouwen ARU
