Aruba a domina y por a gana pa hopi mas, pero a logra e tres puntonan. Nos ta ‘mas ariba’ di e nivel di ekiponan man’e Cayman pero toch ainda no na nivel di Canada y Jamaica, pero e proceso ta sigui, tin un base pa traha riba dje.
–
Foto cortesia AVB – Seleccion U-17 di Aruba na Costa Rica
–
E prome tempo a bai aden empata na cero, apesar di e dominio teritorial di Aruba, pero tabata falta yegada di peliger den zona di peliger, y falta tambe di mas tironan di calidad riba porteria contario.
Den di dos tempo a haci cambio y a impone mas iniciativa den e banda ofensivo. E prome gol di Aruba a yega na minuut 68 di Jermaine Carty di cabes for di un tiro di skina bon cobra pa Gallardo Nouwen, cu a haya un assist tambe, Aruba 1 – Cayman Islands 0.
Cu hopi mas yegada y tironan ta mas cu claro cu mas gol lo abai cai di un manera of otro, pero asina mes ta te na minuut 87, e di dos gol a yega, pa medio di cabes den box di Born de Nobrega, un bon cruce di Jaydrick Panneflek y su assist. Aruba 2 – Cayman Islands 0.
Cu mas atake y yegada, ta mas cu claro cu cualkier cos por pasa den box. Na minuut 88 Aruba ta haya un gol mas pa amplia e bentaha, pero di auto-gol. Aruba 3 – Cayman Islands 0
E gol di consuelo pa Cayman Islands a yega na final di e partido, minuut 90+5 pa medio di tiro penal cu Quinn Small ta deposita den net p’e 1-3.
Score final Aruba 3 – Cayman Islands 1.
–
Recap:
–
⚽68′ Jermaine Carty ARU ⚽87′ Born de Nobrega ARU ⚽88′ Own Goal ARU ⚽90+5′ Quinn Small CAY
🟨’63 Thomas CAY 🟨71′ Boothe CAY 🟨77′ Bergtop ARU
