Resultadonan cu diferencia hopi grandi a zona alarma pa locual ta concerni paridad den nos futbol
–
Ta tempo pa tuma e sucesonan aki hopi na serio, ya cu falta di paridad ta malo p’e ‘branding’ y si no e publico lo perde interes den e torneo. Pero esey no ta solamente den Division di Honor so, pero tambe t’e caso den Division Uno tambe n’un cierto manera, di mes tin un “gap” grandi entre Division di Honor y Division Uno tambe, si esey sigui t’e caso, competencia no lo ta competencia mas, e no lo bataya mas, e por nifica ‘rendicion prome cu e prome salvo wordo haci’.
E razon cu e Premier League Ingles t’e mas sigui y e mas interesante y e mas cotiza di tur e liganan rond mundo, ta debi cu tur wega ta man’e un final, tur wega ta cera; bo por tin Arsenal ta hunga cu Burnley mes y e “feeling” ta cu cualkier cos por pasa. E por ta cu Arsenal ta hungando pa mantene nan prome lugar riba tabla y Burnley ta hungando pa evita cay den e zona di descenso, pero ta bataya lo bay tin p’e tres puntonan.
Pero e razon cu Premier League t’asina bon ta debi primordialmente cu e liga bou dje, e “Championship” ta hopi bon mes, aki tin competencia, hopi ta bisa cu e competencia (e bataya) den e liga ey ta mihor cu Premier League mes. Ultimamente hopi club cu a ascende p’e top liga, toch a cuminsa wanta nan mes ariba, clubnan man’e Bournemouth FC of Brighton & Hove Albion, of que tal di Brentford? E clubnan aki no ta competi p’a sali di zona di descenso mas, nan ta competi pa hunga den Europa, awor ta West Ham ta bringando pa nan bida, p’a keda ariba, wow!
La Liga tambe a sigui e pasonan di Inglatera algun anja pasa, nan tambe a cuminsa identifica con nan por promove paridad, con por haci cu ni Real Madrid ni Barcelona FC ta sigura e tres puntonan cada siman. La Liga tambe kier mehora nan branding man’e Premier League a haci, esey ta bon! den e ultimo siman nan nos a observa cu Madrid y Barcelona a sufri derota na man di clubnan cu antes tabata considera hopi mas inferior, ya e tres puntonan no ta ‘automatico’.
Aki na Aruba, nos mester busca un manera pa identifica e razon pakiko no tin paridad den Division Honor y tambe e pakiko e “gap” asina grandi entre Division Uno y Honor, esey mester ta e investigacion, si nos ta considera e liga man’e un business, t’esey mester tuma lugar, p’a mehora e “branding’ mas pronto posibel.
Despues cu identifica e razon nan, dependiendo kiko nan ta, mester haya sa con pa yuda e clubnan maneha nan organisacion mihor, con pa maneha hungadornan, kiko por incentiva mihor rendicion y kiko por fomenta mas lealtad n’e clubnan, kiko por subi nan nivel? etc etc.
–
Resultadonan Siman 8:
