–
Sporting a dal e batacaso e siman aki ganando Britannia 3-2, esey ta pon’e nan den top-4, nan a tuma posesion di cuarto lugar. Bubali tambe a consolida nan mes den di tres lugar cu mas gran chens awor pa bay den ‘final four’. Apesar di a wordo derota e siman aki Britannia toch ta sigur ainda den prome lugar ya cu Dakota a bolbe perde punta tambe, pero Dakota ta keto bay den di dos lugar cu tres punta riba Bubali. La Fama ta mas serca di e cuarto posicion. Cos ta pintando interesante drentando den e ultimo tres fechanan di e Liga oro.
–
–
Nota: Top 6 ekiponan despues di e prome rond di weganan (9 siman) ta clasifica pa Liga Oro (Caya 6). E otro cuater nan lo hunga den Liga Plata (promocion-degradacion) hunto cu otro top 6 ekiponan di Division Uno. Den Liga Oro lo hunga un round robin, tur seis ekipo lo enfrenta otro, e top cuater lo hunga otro atrobe pa determina e top dos nan cu lo hunga e gran final.